2022-01-27 11:14:54, 715 ნახვა
მსოფლიო
ნედ პრაისი - თუ რუსეთი უკრაინაში შეიჭრება, ვიმუშავებთ, რომ „ჩრდილოეთ ნაკადი 2“-ის პროექტი წინ ვეღარ წავიდეს
ამერიკის შეერთებული შტატების სახელმწიფო დეპარტამენტის პრესსპიკერი, ნედ პრაისი აცხადებს, რომ თუ რუსეთი უკრაინაში შეიჭრება, აშშ იმუშავებს, რომ „ჩრდილოეთ ნაკადი 2“-ის პროექტი წინ ვეღარ წავიდეს.
„თუ რუსეთი ამა თუ იმ გზით შეიჭრება უკრაინაში, „ჩრდილოეთ ნაკადი 2“ წინ არ წავა. დეტალებში შესვლას არ ვაპირებ. ჩვენ ვიმუშავებთ გერმანიასთან, რათა ის წინ აღარ წავიდეს“, - განაცხადა ნედ პრაისმა NPR-სთან ინტერვიუში.
ნედ პრაისს არ დაუკონკრეტებია, დათანხმდა თუ არა აღნიშნულ ნაბიჯს გერმანია. ამასთანავე, ჯერჯერობით უცნობია, მოიცავს თუ არა ამერიკის მიერ რუსეთის წინააღმდეგ დასახელებული შესაძლო ეკონომიკური სანქციები ამ მილსადენის პროექტს.
ავტორი: ექსპრესნიუსი,
epn.ge (@expressnews.ge)
