ჯანდაცვის მინისტრის მოადგილის თამარ გაბუნიას განცხადებით, დღეს მობილიზებული საწოლფონდის, ასევე, ბავშვების საწოლფონდის დაახლოებით 45% თავისუფალი რჩება.

"ჰოსპიტალიზაციის მოსალოდნელი პროცენტი ომიკრონის შემთხვევაში ძალიან დაბალი – 1-2%-ია. ჩვენ დღეს ვართ 5%-იან ჰოსპიტალიზაციაზე და ამ პირობებში, დაახლოებით, 45% მობილიზებული საწოლფონდის თავისუფალია.

დღეს გამოვლენილი 15 000 შემთხვევიდან, შესაძლებელია, კიდევ ერთი ამდენი ისედაც იყოს, რომელიც არის უსიმპტომო და მიმდინარეობს ძალიან მსუბუქად, ისე რომ პირი ამას ვერც ამჩნევს. რთული სათმელია, შესაძლებელია იყოს შემთხვევების მატება, შესაძლებელია დავრჩეთ 15 000-ზე.

ამ შემთხვევაში მნიშვნელოვანია, რომ მიმდინარე ეტაპზე, არა მხოლოდ ჰოსპიტალიზაციაზე ვისაუბროთ, არამედ ბინაზე პაციენტის მართვის შესაძლებლობებზე, რაც ქვეყანას საკმაოდ კარგი აქვს. კიდევ მეტად გაძლიერდება საკომუნიკაციო კამპანია და პაციენტებთან საუბარი იმასთან დაკავშირებით, თუ თავად როგორ უნდა მოიქცნენ თუ ბინაზე რჩებიან და მათი მდგომარეობა არ საჭიროებს განსაკუთრებულ მეთვალყურეობას." -განაცხადა თამარ გაბუნიამ.

დღეს  ბოლო 24 საათში გამოვლინდა ვირუსით ინფიცირების 15 762 ახალი დადასტურებული შემთხვევა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 1 075 154.

ავტორი: ექსპრესნიუსი,

სოციალური ქსელები

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა

არჩევნები ბერლინი და მეკლენბურგ-წინა პომერანიაში: AfD ლიდერობს, თუმცა მთავრობას ვერსად ჩამოაყალიბებს

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა