მექსიკის ქალაქ ტიხუანაში, სახლთან ახლოს, დახვრიტეს ჟურნალისტი ლურდეს მალდონადო, რომელიც ფედერალური მთავრობის მფარველობის ქვეშ იმყოფებოდა.

იანვრის დასაწყისიდან ეს მექსიკაში მედიის მუშაკების მესამე მკვლელობაა და ქვემო კალიფორნიის შტატში მეორე.
ლურდეს მალდონადო თანამშრომლობდა რიგ საინფორმაციო გამოშვებებთან და ბოლო დროს მუშაობდა საინფორმაციო გადაცემაზე, რომელიც აშუქებდა ადგილობრივ მოვლენებს.
2019 წელს, ქვეყნის პრეზიდენტის ანდრეს მანუელ ლოპეს ობრადორის პრესკონფერენციაზე ჟურნალისტმა განაცხადა, რომ ეშინოდა მისი სიცოცხლის ხელყოფის მუქარის გამო.
მაშინ საუბარი იყო გრძელვადიან სამართლებრივ ბრძოლაზე ქვემო კალიფორნიის შტატის ყოფილ გუბერნატორთან, ჯეიმ ბონილა ვალდესთან.
გასულ კვირას ჟურნალისტმა განაცხადა, რომ მან მოიგო ეს შრომითი სარჩელი. მან ასევე უჩივლა ყოფილ გენერალურ პროკურორს.
17 იანვარს, კრიმინალური ამბების ფოტოგრაფი მარგარიტო მარტინესი მოკლეს ტიხუანაში, საკუთარ სახლთან.

ავტორი: ექსპრესნიუსი,

სოციალური ქსელები

თიბისის მხარდაჭერით, ვაზიანში 13 მზის ელექტროსადგური ამოქმედდა

Bloomberg: ტრამპმა შეწყვიტა რუსეთის ბრძოლის ველზე გამარჯვების რწმენა

ექსპრეს ლომბარდის სტანდარტი: ნივთის შეფასება სერტიფიცირებული ექსპერტების მიერ

FT: ევროკავშირი რუსეთის მიერ იმპორტის აკრძალვის შემდეგ სომხეთისთვის საგანგებო სავაჭრო დახმარების ზომებს ამზადებს