2022-01-24 10:22:05, 805 ნახვა
მსოფლიო
ჰანს კლუგე - კოვიდ19-ის „ომიკრონ“ შტამმა შესაძლოა, ევროპაში პანდემია დაასრულოს
„ომიკრონ“ ვარიანტმა კოვიდ 19-ის პანდემია ახალ ფაზაში გადაიყვანა და შეიძლება ევროპაში მისი დასრულებაც გამოიწვიოს, - ამის შესახებ ჯანდაცვის მსოფლიო ორგანიზაციის ევროპის რეგიონის დირექტორმა, ჰანს კლუგემ განაცხადა.
„სავარაუდოა, რომ პანდემია რეგიონში მიდი ერთგვარი ფინალური ფაზისკენ“, - განაცხადა კლუგემ და დასძინა, რომ „ომიკრონ“ ვარიანტმა მარტისთვის შესაძლებელია ევროპელთა 60% დააინფიციროს.
კლუგეს განცხადებით, დაინფიცირების მაჩვენებლის ამჟამინდელი ტემპი, რომელიც „ომიკრონის“ გავრცელებითაა გამოწვეული, ვაქცინის ან გლობალური იმუნიტეტის წყალობით შემცირდება.
„მოველით, რომ იქნება სიმშვიდის პერიოდი, სანამ კოვიდ 19 წლის ბოლომდე დაბრუნდება, მაგრამ პანდემიის დაბრუნება გარდაუვალი არ იქნება,“ - აღნიშნა კლუგემ.
ავტორი: ექსპრესნიუსი,
epn.ge (@expressnews.ge)
