გერმანიის საზღვაო ძალების ხელმძღვანელმა, ვიცე-ადმირალმა კეი-ახიმ შონბახმა,  თანამდებობიდან გადადგომის შესახებ განცხადება დაწერა. ამის შესახებ "დოიჩე ველე" იუწყება.

ერთი დღით ადრე, 21 იანვარს, ინდოეთში ვიზიტის დროს შენბახმა გამოთქვა მოსაზრება რუსეთსა და უკრაინას შორის კონფლიქტის შესახებ.

მისი თქმით, „ყირიმის ნახევარკუნძული დაკარგულია, ის აღარასოდეს დაბრუნდება“. ამასთან, შონბახმა უკრაინის ტერიტორიაზე რუსული ჯარების შეჭრის მზადყოფნას, უაზრო საუბარი უწოდა.

გერმანიის თავდაცვის სამინისტრო შონბახის განცხადებებს კატეგორიულად ემიჯნება. „ეს განცხადებები, შინაარსითა და ფორმულირებით, არანაირად არ შეესაბამება სამინისტროს პოზიციას“, - განუცხადა 22 იანვარს dpa-ს სამინისტროს სპიკერმა. მისი თქმით, ვიცე-ადმირალს შესაძლებლობა ექნება გაესაუბროს ბუნდესვერის გენერალურ ინსპექტორს ებერჰარდ ზორნს.

უკრაინის საგარეო საქმეთა სამინისტრომ დაიბარა გერმანიის ელჩი კიევში ანკა ფელდჰუსენი, შეხვედრის შემდეგ უკრაინის საგარეო უწყებამ განცხადებაც გაავრცელა.

„შეხვედრაზე მხარეებმა აღნიშნეს გერმანიის საზღვაო ძალების მეთაურის კაი-ახიმ შონბახის განცხადებების კატეგორიული მიუღებლობა, კერძოდ, რომ ყირიმი არასოდეს დაბრუნდება უკრაინაში და რომ ჩვენი სახელმწიფო ვერ აკმაყოფილებს ნატოში გაწევრიანების კრიტერიუმებს. შეხვედრაზე ასევე ღრმა იმედგაცრუება იყო გამოხატული. გერმანიის მთავრობის პოზიციაზე უკრაინის თავდაცვითი იარაღით გადაცემის წარუმატებლობის შესახებ“, - ნათქვამია განცხადებაში.

ავტორი: ექსპრესნიუსი,

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან