კიევის პოლიციამ პეჩერსკის რაიონული სასამართლოს შენობასთან შეკრებილი უკრაინის ყოფილი პრეზიდენტის პეტრო პოროშენკოს მხარდამჭერების წინააღმდეგ ცრემლსადენი გაზი გამოიყენა. ამის შესახებ ინფორმაციას RIA Novosti-ს ადგილობრივი კორესპონდენტი იუწყება. 

შეკრებილები სასამართლოს შენობასთან ცდილობდნენ გათბობის ადგილების და ღუმელების მოწყობას, მაგრამ პოლიციამ ამის საშუალება არ მისცა, რამაც სამართალდამცავებსა და აქტივისტებს შორის დაძაბულობა გამოიწვია.  

უშიშროების ძალებმა დაამონტაჟეს კორდონი და სცადეს დემონსტრანტების უკან დახევა. ტელეკომპანია Direct-ის თანამშრომელმა ასევე განაცხადა, რომ ჩხუბის დროს მათი ოპერატორი დაშავდა. ასევე, პოლიციის მიერ გაზის გამოყენების შემდეგად, რამდენიმე ადამიანმა აქცია დატოვა. 

ადგილობრივი მედიის ცნობით, შეტაკების შემდეგ უშიშროების ნაწილმა სასამართლოს ტერიტორია  დატოვა და სიტუაცია დაწყნარდა. კორესპონდენტის ცნობით, ახლა შენობასთან 500-მდე ადამიანია. აქციაზე ექსპრეზიდენტის მხარდამჭერები აგრძელებენ მოსვლას.

ცნობისთვის, ორშაბათს სასამართლომ დაიწყო პროკურატურის შუამდგომლობის განხილვა, რომელიც პეტრო პოროშენკოს დაკავებას დაახლოებით 35,7 მილიონი დოლარის გირაოს შესაძლებლობით ითხოვს. სახელმწიფოს ყოფილ მეთაურს დონბასიდან ნახშირის მიწოდების საქმეში ღალატსა და ტერორიზმის დახმარებაში ეჭვმიტანილის სტატუსი აქვს. მას 15 წლიანი პატიმრობა ემუქრება.

ავტორი: ექსპრესნიუსი,

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან