„დოიჩე ველეს" ინფორმაციით, იმ შემთხვევაში, თუ რუსეთი უკრაინაში შეიჭრება, ვაშინგტონის მხრიდან მკაცრი ეკონომიკური სანქციები დაეკისრება. ამის შესახებ პრეზიდენტ ბაიდენის ადმინისტრაციის წარმომადგენელმა 8 იანვარს, თეთრი სახლის მიერ ორგანიზებულ სატელეფონო ბრიფინგზე განაცხდეს. 

გამოცემის ცნობით, რუსეთზე პირდაპირი სანქციების გარდა, სერიოზული შეზღუდვები შეიძლება დაწესდეს აშშ-დან რუსეთის ფედერაციაში ექსპორტირებულ პროდუქტებზე, ასევე აშშ-ს იურისდიქციის ქვეშ მყოფი უცხოური წარმოების საქონელზე.

აღსანიშნავია, რომ ამ სიაში უკვე შედის კუბა, ირანი, ჩრდილოეთ კორეა და სირია. 

ამასთან, ამერიკის ადმინისტრაციის მაღალჩინოსანმა დააკონკრეტა, რომ შვეიცარიაში გამართულ მოლაპარაკებებზე ვაშინგტონი აპირებს განიხილოს არა მხოლოდ მოსკოვის მიერ წამოჭრილი საკითხები, არამედ უსაფრთხოების პრობლემები. ამდენად, საუბარი შეიძლება იყოს,მესამე სახელმწიფოების ტერიტორიაზე შეჭრაზე, არჩევნებში ჩარევაზე, ქიმიური იარაღის გამოყენებაზე, იარაღის გავრცელების ხელშეკრულებების დარღვევაზე. 

”რუსეთთან ნებისმიერი სერიოზული საუბარი ევროპის უსაფრთხოებაზე აუცილებლად უნდა მოიცავდეს ამ პრობლემებს”, - განაცხადა ოფიციალურმა წარმომადგენელმა.

ჟენევის მოლაპარაკებები 10 იანვარს გაიმართება. 

ავტორი: ექსპრესნიუსი,

სოციალური ქსელები

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან

ტაშკენტის ბიზნესგამოფენის შესახებ საინფორმაციო შეხვედრა გაიმართა