ევროკავშირმა და აშშ-მა ბელარუსის წინააღმდეგ დამატებითი სანქციები მიიღეს. ევროკავშირის სანქციების მეხუთე პაკეტში მოხვდა 17 ფიზიკური და 11 იურიდიული პირი. მათ შორის მოხვდნენ ბელარუსის სასაზღვრო ძალების მაღალჩინოსნები, საგარეო საქმეთა სამინისტროს თანამშრომლები, სასამართლო სისტემის წარმომადგენლები, ასევე ბელარუსის სახელმწიფო ავიაკომპანია „ბელავია“, ტურისტული კომპანიები და სასტუმროები, ასევე „ბელარუსნეფტი“.

სანქციები გულისხმობს ჩამოთვლილი პირებისა და კომპანიების ყველა აქტივების დაყადაღებას, ხოლო ევროპულ კომპანიებს და ევროკავშირის მოქალაქეებს ეკრძალებათ ე.წ. შავი სიის ფიგურანტებთან თანამშრომლობა. ამას გარდა, სანქციების პაკეტში მოხვედრილ პირებს ეკრძალებათ ევროკავშირის წევრ ქვეყნებში ჩასვლა.

აშშ-მა ე.წ. შავ სიაში შეიყვანა ალექსანდრ ლუკაშენკოს შვილი დმიტრი. ასევე სანქციები დაუწესდა „ბელარუსის კალიუმის კომპანიას“, „ტრანსვიაექსპორტს“ და სხვებს.

ვაშინგტონმა სულ სანქციები დაუწესა 20 ფიზიკურ დ 12 იურიდიულ პირს. ამასთან ვაშინგტონის სანქციები ეხება ბელარუსის სუვერენულ ვალსაც.

ავტორი: ექსპრესნიუსი,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა