2021-11-26 11:39:27, 977 ნახვა
პოლიტიკა
ბათუმის საკრებულოს სხდომის ჩასაშლელად, „ნაცმოძრაობის“ წევრმა შპრიცით „მძაფრსუნიანი“ ნივთიერება გაუშვა
ბათუმის საკრებულოს ოპოზიციონერმა წევრმა მირდატ ქამდაძემ საკრებულოს სხდომათა დარბაზში სპეციალური ხსნარი გაუშვა, რის გამოც სხდომა შეწყდა.
ქადამაძის განმარტებით, ნივთიერება უსაფრთხოა, თუმცა მისი სუნის გამო, დეპუტატებს დარბაზის დატოვება უწევთ.
"მე მგონია, რომ დღევანდელი საკრებულოს სხდომა არ უნდა ჩატარდეს, ყოველგვარი ხმაურის გარეშე. მე ხელში მიჭირავს შპრიცი, რომელშიც არის სრულიად უწყინარი ნივთიერება, მაგრამ აქვს ისეთი სუნი, რომ აქ ვეღარ გაჩერდებით. მე ვრჩები ბოლომდე აქ, იმიტომ, რომ არ იფიქროს ვინმემ, ეს ნივთიერება ჯანმრთელობისთვის საშიში არაა", - განაცხადა მირდატ ქამადაძემ.
ცნობისთვის, ბათუმის საკრებულოში ოპოზიციონერი დეპუტატები ძველი საკრებულოს მიერ 2022 წლის ბიუჯეტის დამტკიცებას აპროტესტებენ.
ავტორი: ექსპრესნიუსი,
epn.ge (@expressnews.ge)
