ვლადიმერ პუტინი, ილჰამ ალიევი და ნიკოლ ფაშინიანი დღეს შეხვედრას გამართავენ

2021-11-26 10:10:34, 1111 ნახვა

მსოფლიო

კრემლის ინფორმაციით, რუსეთის პრეზიდენტი ვლადიმერ პუტინი, აზერბაიჯანის პრეზიდენტი ილჰამ ალიევი და სომხეთის პრემიერ-მინისტრი ნიკოლ ფაშინიანი დღეს სოჭში შეხვედრას გამართავენ.

კრემლის ადმინისტრაციის ცნობით, შეხვედრა სოჭში რუსეთის პრეზიდენტის ინიციატივით, სამმხრივი მოლაპარაკებების ფარგლებში გაიმართება.

კრემლის ინფორმაციით, დაგეგმილია სამი ქვეყნის ლიდერების მიერ 2020 წლის 9 ნოემბრით და 2021 წლის 11 იანვრით დათარიღებული შეთანხმებების შესრულების, ასევე რეგიონში სტაბილურობის განმტკიცებისა და მშვიდობიანი ცხოვრების დამყარებისთვის შემდგომი ნაბიჯების განხილვა.

მათივე ცნობით, განსაკუთრებული ყურადღება დაეთმობა სავაჭრო, ეკონომიკური და სატრანსპორტო კავშირების აღდგენა-განვითარებას.

გარდა ამისა, პრეზიდენტის ადმინისტრაციის ინფორმაციით, დაგეგმილია ვლადიმერ პუტინის ცალკე საუბარი ილჰამ ალიევთან და ნიკოლ ფაშინიანთან.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,