2021-11-22 10:01:59, 1299 ნახვა
მსოფლიო
აშშ-ში საშობაო ღონისძიებაზე ავტომობილი მოქალაქეებში შეიჭრა, არიან დაშავებულები და დაღუპულები
აშშ-ში, ვისკონსინის შტატში საშობაო აღლუმის დროს ავტომობილი ხალხმრავალ საშობაო ღონისძიებაზე შეიჭრა, რასაც მსხვერპლი მოჰყვა.
„ბიბისის“ ინფორმაციით, ინციდენტი ქალაქ უოკეშოში მოხდა. უოკეშოს პოლიციის ცნობით, ავტოსაგზაო შემთხვევის შედეგად არის მსხვერპლი, თუმცა ზუსტი რაოდენობა არ სახელდება. ინციდენტის შედეგად 20-ზე მეტი ადამიანია დაშავებული.
საავადმყოფოებში 11 ზრდასრული და 12 ბავშვი გადაიყვანეს. სამართალდამცველებმა ეჭვმიტანილი მალევე დააკავეს და ავტოსაგზაო ინციდენტთან დაკავშირებით გამოძიება დაიწყო.
საგამოძიებო პროცესში აშშ-ის გამოძიების ფედერალური ბიურო ჩაერთო.ჯერჯერობით უცნობია, უკავშირდება თუ არა ინციდენტი ტერორიზმს.
ავტორი: ექსპრესნიუსი,
epn.ge (@expressnews.ge)
