გორის სამხედრო ჰოსპიტალთან, სადაც  საქართველოს მესამე პრეზიდენტი, მიხეილ სააკაშვილი ჰყავთ გადაყვანილი პოლიციამ დამატებით სათვალთვალო კამერები დაამონტაჟა. 

უსფრთხოების ზომები გამკაცრებულია ჰოსპიტალის იმ ნაწილშიც, სადაც მესამე პრეზიდენტი მკურნალობს.

დღესვე მიხეილ სააკაშვილის ჯანმრთელობის მდგომარეობის შესაფასებლად სამხედრო ჰოსპიტალში სახელმწიფო კონსილიუმის ექიმებს ელოდებიან. მესამე პრეზიდენტს სავარაუდოდ, დღესვე მოინახულებენ მისი უფლებადამცველები. 

ადვოკატი იმედოვნებს, რომ - სამუშაო დღეებში 10-დან 6 საათამდე პერიოდში ექსპრეზიდენტის მონახულებას შეძლებს.

"ჩვენ ბუნებრივია, მიხეილ სააკაშვილთან შეხვედრების სურვილი და უფლება გვაქვს მინიმუმ იმ ინტენსივობით და შესაძლებლობით, რაც არსებობდა აქამდე - სამუშაო დღეებში 10-დან 6 საათამდე პერიოდში. იმედს ვიტოვებთ, რომ ეს შესაძლებლობა არ შეგვეზღუდება. მიუხედავად იმისა, რომ შეიძლება სამხედრო ჰოსპიტალს ჰქონდეს თავისი რეგულაციები, დაცვის უფლება არის უპირველესი", - თქვა ბექა ბასილაიამ.

ცნობისთვის, საქართველოს ყოფილი პრეზიდენტი, მიხეილ სააკაშვილი 1-ელ ოქტომბერს დააკავეს. პატიმრობაში მყოფმა სააკაშვილმა შიმშილობა გამოაცხადა და 50 დღის განმავლობაში პროტესტის უკიდურეს ფორმას მიმართავდა. გვიან ღამით კი  გიორგი აბრამიშვილის სახელობის გორის სამხედრო ჰოსპიტალის ინტენსიური თერაპიის პალატაში მოათავსეს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს