საქართველოს ფინანსთა სამინისტრომ  მთავრობის ვალის მართვის 2022-2025 წლების სტრატეგიის პროექტი კერძო სექტორთან განიხილა. - ინფორმაციას ფინასთა სამინისტრო ავრცელებს.
შეხვედრა ონლაინ ფორმატში, Webex პლატფორმის საშუალებით გაიმართა, რომელშიც მონაწილეობა მიიღეს ფინანსთა მინისტრის მოადგილემ, მირზა გელაშვილმა და  სახელმწიფო ვალის მართვის დეპარტამენტის ხელმძღვანელის მოადგილემ ირაკლი კაჭარავამ.

შეხვედრაზე ფინანსთა მინისტრის მოადგილემ კერძო სექტორის წარმომადგენლებს გააცნო სტრატეგიის მიზნები და ძირითადი მიმართულებები. 

როგორც აღინიშნა, სტრატეგია უზრუნველყოფს მთავრობის ვალის მართვის პოლიტიკის გამჭვირვალობას და აღნიშნული მიმართულებით ინვესტორების, კრედიტორების, სარეიტინგო სააგენტოებისა და საზოგადოების ინფორმირებულობის ზრდას.

შეხვედრა კითხვა-პასუხის რეჟიმში წარიმართა.

შეგახსენებთ, რომ აღნიშნული დოკუმენტის პროექტი გამოქვეყნებულია ფინანსთა სამინისტროს ვებგვერდზე https://mof.ge/5231. პროექტის გამოქვეყნება ხაზს უსვამს სამინისტროს მზადყოფნას, გაითვალისწინოს როგორც კერძო სექტორის, ასევე, სხვა ყველა დაინტერესებული პირის შენიშვნა/კომენტარი. ორი კვირის განმავლობაში ვალის მართვის სტრატეგიის პროექტთან დაკავშირებული შენიშვნები/კომენტარები/კითხვები შეგიძლიათ გამოაგზავნოთ ელ. მისამართზე: fo@mof.ge.  

ორკვირიანი საჯარო განხილვის შემდეგ, დოკუმენტი წარედგინება მთავრობას  და გამოქვეყნდება მისი საბოლოო ვერსია.

ავტორი: NS (სტატია დაფინანსებულია),

სოციალური ქსელები

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა

ჩინეთიდან შემოსულმა ინვესტიციებმა შეადგინა 236 მლნ დოლარი, იგი პირველ ადგილზეა