რეჟისორი, სცენარისტი და მსახიობი ერმალო მაღრაძე, 79 წლის ასაკში კორონავირუსით გარდაიცვალა. აღნიშნული ინფორმაცია „ექსპრესნიუსს“ კლინიკა „ბომონდში“ დაუდასტურეს.

როგორც კლინიკაში აღნიშნავენ, ერმალო მაღრაძე „ბომონდის“ ინტენსიურ განყოფილებაში 4 ნოემბერს გადაიყვანეს. მას ფილტვების 80% ჰქონდა დაზიანებული. რეჟისორი მართვით სუნთქვაზე იმყოფებოდა და მისი ჯანმრთელობის მდგომარეობა კლინიკაში შეყვანისთანავე მძიმე იყო.

„პაციენტის გადასარჩენად მაქსიმალური გააკეთა კლინიკის გუნდმა, თუმცა სამწუხაროდ, მდგომარეობის სიმძიმიდან გამომდინარე, მისი გადარჩენა ვერ მოხერხდა. ვუსამძიმებთ ოჯახს, ახლობლებს და ქვეყანას", – აცხადებს კლინიკა „ბომონდის" კოვიდცენტრის რეანიმაციის მთავარი სპეციალისტი, ირმა მესხი.

ერმალო მაღრაძე სამტრედიაში 1943 წელს დაიბადა. 1977 წლიდან მუშაობდა კინოსტუდია ქართულ ფილმში, ჯერ რეჟისორის ასისტენდან, შემდეგ მეორე რეჟისორად. 1986 წელს დაამთავრა თბილისის სახელმწიფო უნივერსიტეტის ხელოვნების ფაკულტეტი სცენარისტის სპეციალობით. 1992 წელს დაარსა ერმალოფილმი. 1995 წელს გამოდის მისი სადებიუტო სრულმეტრაჟიანი ფილმი შვეციის პრინცი იმერეთიდან. ავტორია ფილმებისა გზააბნეულნი, აპოკალიფსი არ იქნება, სიძე, თეა. 

ავტორი: ექსპრესნიუსი,

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა