გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა, პროექტის „საქართველოს ეკონომიკის ცირკულარობის შეფასება“ ფარგლებში, რიგით მეორე პლენარულ შეხვედრაში მიიღო მონაწილეობა.

შეხვედრაზე იმ კვლევის შედეგები განიხილეს, რომლებიც ქვეყანაში ეკონომიკის სხვადასხვა დარგების მნიშვნელობას წარმოაჩენს მაკროეკონომიკური და დასაქმების მაჩვენებლების საფუძველზე. შეხვედრის მონაწილეებმა ნარჩენების წინასწარი შეფასების შედეგებზე, რეციკლირების არსებული დონეზე, ცირკულარობის პოტენციალსა და ახალი, დამატებითი კვლევების გეგმაზე იმსჯელეს.

„შევიმუშვეთ ცირკულარული ეკონომიკის გზამკვლევი. გამოიკვეთა პრიორიტეტული დარგები, სადაც ცირკულარულობის მაღალი მაჩვენებელი გვაქვს, მათ შორისაა, სოფლის მეურნეობა, მშენებლობა, საბითუმო და საცალო ვაჭრობა, ტურიზმი და საკვების მიწოდება-გადამუშავება. უკვე გვაქვს საფუძველი, ვაჩვენოთ ბიზნესსექტორს, თუ სად იქნება მათთვის მიმზიდველი ცირკულარული მოდელის დანერგვა. ყოველი მსგავსი შეხვედრა ცირკულარული ეკონომიკის მნიშვნელობაზე საზოგადოების ცნობიერების ამაღლებას უწყობს ხელს“, - განაცხადა სოლომონ პავლიაშვილმა.

შეხვედრაზე გაეროს ცირკულარული ეკონომიკის მრჩეველთა საბჭოს წევრმა, დამოუკიდებელმა საერთაშორისო ექსპერტმა, დარიუშ ედვარდ პრასეკმა ეკონომიკის ცირკულარობის მიდგომებთან, საერთაშორისო გამოცდილებასთან და ძირითად გამოწვევებთან დაკავშირებით პრეზენტაცია წარმოადგინა.

შვედეთის მთავრობის მიერ დაფინანსებული პროექტი „საქართველოს ეკონომიკის ცირკულარობის შეფასება“ მიზნად ისახავს საქართველოს ეკონომიკის ცირკულარობის შეფასებას საქართველოს მთავრობასთან მჭიდრო თანამშრომლობით. იგი ითვალისწინებს შემდეგი მნიშვნელოვანი ამოცანების გადაჭრას: საქართველოში ცირკულარული ეკონომიკის შეფასებას, ცირკულარული ეკონომიკის დანერგვის შესაძლებლობების გამოვლენას დარგების მიხედვით, ცირკულარული ეკონომიკის ინიციატივებისათვის პრიორიტეტული დარგების განსაზღვრას და რეკომენდაციების შემუშავებას საქართველოსთვის ცირკულარული ეკონომიკის გზამკვლევისა და სტრატეგიისათვის.

შეხვედრა საქართველოს ბუნების მკვლევართა კავშიროს „ორქისი“ ორგანიზებით, საქართველოს გარემოს დაცვისა და სოფლის მეურნეობის სამინისტროსთან მჭიდრო თანამშრომლობით და შვედეთის მთავრობის ფინანსური მხარდაჭერით გაიმართა.

შეხვედრას შვედეთის სამეფოს ელჩი საქართველოში, ულრიკ თიდესტრომი, შვედეთის საერთაშორისო განვითარებისა და თანამშრომლობის განყოფილების ხელმძღვანელი, საქართველოში შვედეთის სამეფოს ელჩის მოადგილე, ერიკ ელესი და შესაბამისი უწყებების წარმომადგენლები ესწრებოდნენ.

ავტორი: NS (სტატია დაფინანსებულია),

სოციალური ქსელები

ვიტკოფი ირანთან მოლაპარაკებებისთვის კატარში გაფრინდა

შეერთებული შტატები 40 წლის შემდეგ პირველად შექმნის ახალ ბირთვულ ქობინს

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post