"ქართული ოცნების" დეპუტატის, გურამ მაჭარაშვილის განცხადებით ნიკა გვარამიამ სააკაშვილი კომიკურ სიტუაციაში ჩააგდო.

მისი თქმით, აბსურდია  გაიქცე სტრასბურგში და მოსთხოვო სასამართლოს რომ შიმშილობა შეწყვიტოს სააკაშვილმა.

"როგორც ვიცით, სტრასბურგის სასამართლოში იყო მოთხოვნა მიხეილ სააკაშვილის კერძო კლინიკაში გადაყვანის შესახებ. ეს სტრასბურგის სასამართლოს მიერ არ დაკმაყოფილდა. სტრასბურგის გადაწყვეტილება, რაც ნიკა გვარამიამ თავისებურად განმარტა, აბსურდია. სტრასბურგის სასამართლომ მიხეილ სააკაშვილს ისიც უთხრა, გვარამიას არ დაუჯერო და შიმშილობა შეწყვიტეო.

რაც შეეხება სტრასბურგის სასამართლოს გადაწყვეტილების იმ ეპიზოდს, სადაც ითხოვს ინფორმაციას პატიმარ სააკაშვილის მდგომარეობის შესახებ, ეს არის აბსოლუტურად ბუნებრივი. რა საკვირველია, მივაწოდებთ ინფორმაციას როგორც ჯანმრთელობის მდგომარეობის, ასევე მისი როგორც პატიმრის უფლებების დაცვის შესახებ. სააკაშვილის უფლებები მაქსიმალურად დაცულია, ხოლო მისი ჯანმრთელობის მდგომარეობის საკითხი სპეკულაციის საგანი თავად მისმა ადვოკატებმა გახადეს.

კომიკურიც აღარ არის უკვე ის სიტუაცია, რაშიც მიხეილ სააკაშვილი ჩააგდო გვარამიამ და ნუ ეხლა ცდილობს, რომ მისი დაცვის ქვეშ მყოფის რისხვა რომ არ დაიმსახუროს, გამართლებებს ეძებს რაღაცნაირად ამ არასწორ ნაბიჯში. სტრასბურგის სასამართლოში განცხადების დაწერა იმასთან დაკავშირებით, რომ შეწყვიტოს მიხეილ სააკაშვილმა შიმშილობა არის თითიდან გამოწოვილი მიზეზი, იმიტომ რომ ჩვენ ინტერესში იყო ეს და ჩვენც მოვუწოდებდით, მათ შორის მეც, რომ მას შეეწყვიტა შიმშილობა. ჩვენ ინტერესში მისი შიმშილობა არ იყო, ამ ფონზე როგორ შეიძლება გაიქცე სტრასბურგში და თქვა რომ შიმშილობა შეწყვიტოს სააკაშვილმა, მოსთხოვო სტრასბურგის სასამართლოს, ეს ხომ აბსურდია", - განაცხადა გურამ მაჭარაშვილმა.

ავტორი: ექსპრესნიუსი,

სოციალური ქსელები

თიბისის მხარდაჭერით, თბილისში იაპონური ავანგარდული ფოტოგრაფიის გამორჩეული ნამუშევრების პირველი გამოფენა მოეწყო

აქტივისტი გიორგი კირვალიძე 7 დღიანი პატიმრობის მერე იზოლატორთან ხელახლა დააკავეს

„იმედის“ მფლობელ ჰოლდინგში წილების 70% ჯამში 700 ლარად გაიყიდა

პირველად საქართველოში საბურავების Trade-in „თეგეტა მოტორსში“ - ჩააბარე ძველი და დაზოგე ახლის შეძენისას