კაფე „სკაუტ გარდენი“, რუსთავი, ქვემო ქართლი - დღეს, 9 ნოემბერს, 11:30 საათზე, USAID-ის პროექტი „ზრდა საქართველოში“ წარმოგიდგენთ კულინარიულ წიგნს „ეთნო ტაბლა“ და გთავაზობთ ქვემო ქართლის სამზარეულოს ისტორიულ სამყაროში მოგზაურობას. ახალი კულინარიული წიგნის პრეზენტაციას დაესწრებიან USAID/საქართველოს ეკონომიკური განვითარების ოფისის დირექტორი, მარიკა ოლსენი, ქვემო ქართლის გუბერნატორი, შოთა რეხვიაშვილი, USAID-ის პროექტის „ზრდა საქართველოში“ ხელმძღვანელი ქეთევან ჭუმბურიძე და სხვა დაინტერესებული პირები.

წიგნი, რომელიც USAID-ის პროექტის „ზრდა საქართველოში“ დახმარებით გამოიცა, ქვემო ქართლის რეგიონში მცხოვრები ეთნიკური უმცირესობების (სომხები, აზერბაიჯანელები, ასირიელები, ბერძნები, გერმანელები და ა.შ.) მიერ შემუშავებული 30-მდე კერძის რეცეპტს აერთიანებს და ხელმისაწვდომია ქართულ და ინგლისურ ენებზე. 

„ეთნო ტაბლა“ USAID-ის პროექტის „ზრდა საქართველოში“ მიერ შექმნილი კულინარიული წიგნების სერიის მეხუთე გამოცემაა, ხოლო სხვა გამოცემებს შორისაა: „მესხური ტაბლა“, „კოლხური ტაბლა“, „თუშური ტაბლა“ და „ქისტური ტაბლა“. 

აღნიშნული წიგნის მიზანია ადგილობრივი კერძების პოპულარიზაცია და საზოგადოებაში რეგიონის შესახებ ცნობიერების ამაღლება, ის საუკეთესო საჩუქარია როგორც ადგილობრივი ისე უცხოელი ტურისტებისათვის.  დაგეგმილია „ეთნო ტაბლას“ გაყიდვა სხვადასხვა არხების მეშვეობით, მათ შორის წიგნების მაღაზიათა უმსხვილეს ქსელში „ბიბლუსი“. „ეთნო ტაბლას“ გაყიდვისაგან მიღებული შემოსავალი სრულად მოხმარდება ქვემო ქართლის რეგიონული განვითარების სააგენტოს (KKRDA) გაძლიერებას.

ავტორი: NS (სტატია დაფინანსებულია),

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა