2021-11-06 16:33:41, 725 ნახვა
საზოგადოება
ხმაური სალხინოს მამათა მონასტრში - მრევლი ტაძარში შესვლას ითხოვს
მარტვილში, სალხინოს მამათა მონასტრის მიმდებარედ დაპირისპირება იყო. განკვეთილი ბერ-მონაზვნებისა და მრევლის ნაწილი ტაძარში შესვლას ითხოვს. თუმცა სამართალდამცევლები მათ ამის საშუალებას არ აძლევენ.
აღნიშნულმა ადგილზე შეკრებილების უკმაყოფილება და ხმაური გამოიწვია.
გუშინ, სამართალდამცველების დახმარებით სალხინოს მამათა მონასტრიდან განკვეთილ სასულიერო პირებს კელიები დაატოვებინეს. მათ ტაძარში ყოფნის ვადა 4 ნოემბერს ამოეწურათ.
ადგილზე შეკრებილი მრევლის წევრები ამბობენ, რომ ისინი განკვეთილ ბერებს მხარს უჭერენ და ითხოვენ რომ მიტროპოლიტმა სტეფანემ ეპარქია დატოვოს.
შეგახსენებთ, 15-მდე სასულიერო პირი ჭყონდიდის მიტროპოლიტმა მეუფე სტეფანემ დაუმორჩილებლობის გამო განკვეთა.
ავტორი: ექსპრესნიუსი,
epn.ge (@expressnews.ge)
