ცესკო - კენჭისყრის პროცესი დასრულდა, არჩევნებში მონაწილეობა მიიღო 1 025 406-მა ამომრჩეველმა, რაც საერთო რაოდენობის 49.09%-ია

2021-10-30 21:53:16, 483 ნახვა

პოლიტიკა

ცენტრალური საარჩევნო კომისიის სპიკერი, ნათია იოსელიანის განცხადებით, ადგილობრივი თვითმართველობის არჩევნების მეორე ტურში, 1 025 406-მა ამომრჩეველმა მიიღო მონაწილეობა, რაც საერთო ამომრჩევლების 49.09%-ია.

ამომრჩეველთა აქტიოვობით ლიდერობს გურია, სადაც 36 350 -მა ამომრჩეველმა მიიღო კენჭისყრაში მონაწილეობა, რაც საერთო რაოდენობის 58,8%-ია

ყველაზე დაბალი აქტივობა დაფიქსირდა მცხეთა- მთიანეთში 7251 ამომრჩეველი 43,2%.

რაც შეეხება დედაქალაქს, კენჭისყრაში მონაწილეობა მიიღო 478 642- მა ამომჩეველმა, რაც საერთო რაოდენობის 47,7%-ია.

დედაქალაქში მაღალი აქტივობით გამოირჩეოდა,ვაკე 56 944 ამომრჩეველი, რაც საერთო რაოდენობის 54,27%-ია. ხოლო ყველაზე დაბალი აქტივობა ისანში დაფიქსირდა, 48 632 ამომრჩეველი , 42,5%.

„კენჭისყრის პროცესი დასრულდა. არჩევნებში მონაწილეობა მიიღო 1 025 406-მა ამომრჩეველმა, რაც ამომრჩეველთა საერთო რაოდენობის 49.09%-ია. დედაქალაქში კენჭისყრაში დღის განმავლობაში მონაწილეობა მიიღო 478 642-მა ამომრჩეველმა (47,7%).

სრულად იყო დაცული კოვიდუსაფრთხოებასთან დაკავშირებული რეგულაციები. ცალკეულ შემთხვევებში დაფიქსირდა პროცედურული ხარვეზები, თუმცა აღნიშნული არ გამხდარა ხმის მიცემის პროცესის შეწყვეტის საფუძველი. მინდა მადლობა გადავუხადო ამომრჩევლებს აქტიურობისათვის და კენჭისყრის პროცესში კოვიდრეგულაციების დაცვისთვის. ასევე მადლობას ვუხდი ყველა დონის საარჩევნო კომისიის წევრსა და თანამშრომლებს კენჭისყრის დღის მაღალ დონეზე ორგანიზებისთვის. მადლობა ჩართულ მხარეებს, დამკვირვებლებსა და მედიას.

საარჩევნო ადმინისტრაციისთვის სწორედ ახლა იწყება განსაკუთრებული, საპასუხისმგებლო - ხმის დათვლის ეტაპი. მინდა მოვუწოდო ყველა დონის საარჩევნო კომისიას დაიცვან საარჩევნო კანონმდებლობით გაწერილი ნორმები.

საარჩევნო უბნები კანონმდებლობის შესაბამისად, 20:00 საათზე დაიხურა და ახლა უკვე მიმდინარეობს ხმის დათვლის პროცესი. იმ საარჩევნო უბნებზე, სადაც რეგისტრირებულ ამომრჩეველთა რაოდენობა 300-ზე მეტია, ხმის დათვლის პროცესის ვიდეოგადაღება მიმდინარეობს. მას შემდეგ, რაც შედგება საუბნო შემაჯამებელი ოქმები, ისინი გადაეცემა შესაბამის საოლქო საარჩევნო კომისიებს, საოლქო საარჩევნო კომისიების მიერ დასკანერდება და უმოკლეს ვადაში მოეწოდება ცესკოს და მიღებისთანავე ეტაპობრივად აიტვირთება სპეციალურ ვებგვერდზე results.cec.gov.ge.“- განაცხადეს ცესკოში.