2021-10-30 21:35:13, 572 ნახვა

---

ზაალ უდუმაშვილი - გამარჯვება მიღწეულია, მაგრამ ბრძოლა გრძელდება, გთხოვთ, მივიდეთ საარჩევნო უბნებზე და დავიცვათ ხმები

“ერთიანი ნაციონალური მოძრაობის” წევრის, ზაალ უდუმაშვილის განცხადებით, დიდი გამარჯვება მიღწეულია, თუმცა ბრძოლა გრძელდება, რადგან წინ ხმის დათვლის პროცესია.

უდუმაშვილის თქმით, "ქართულ ოცნებას" ეცდება  საარჩევნო უბნებზე მანიპულაციები მოახდინოს, ამიტომ ყველა საარჩევნო უბნებზე უნდა მივიდეს და საკუთარი ხმები დაიცვას. 

“მინდა მივულოცო საქართველოს მოსახლეობას. ჩვენ პრაქტიკულად ყველა დიდ ქალაქში გავიმარჯვეთ. მე მინდა მადლობა გადავუხადო თითოეულ ჩვენს ამომრჩეველს. ძალიან დიდი გამარჯვება მიღწეულია, მაგრამ ჯერ ბრძოლა გრძელდება, რადგან წინ გვაქვს ხმის დათვლის პროცესი, საარჩევნო უბნებზე, სადაც "ქართულ ოცნებას" ექნება მცდელობა, რომ გარკვეული მანიპულაციები მოახდინოს. ამიტომ ყველას, ვინც დღეს მივიდა საარჩევნო უბნებზე კიდევ ერთხელ ვთხოვ, რომ მივიდეთ საარჩევნო უბნებზე, უბრალოდ დავდგეთ საარჩევნო უბნებთან და დავიცვათ ჩვენივე ხმები. უახლოესი ჩვენი ამოცანაა ჩვენი ხმების დაცვა", - ამბობს უდუმაშვილი. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი