ამ დროისათვის მთელი ქვეყნის მასშტაბით დაფიქსირდა ჩვენი  ამომრჩევლის უპრეცენდენტო აქტივობა არჩევნებზე - ამის შესახებ “ერთიანი ნაციონალური მოძრაობის” წევრმა, ზაალ უდუმაშვილმა ცენტრალურ ოფისში გამართულ ბრიფინგზე განაცხადა.

მისი თქმით, ხელისუფლება ცდილობს არჩევნების გაყალბებას, თუმცა, თუ ამომრჩეველი არჩევნებზე მივა, ვერაფერს შეძლებენ. 

“ამ დროისათვის მთელი ქვეყნის მასშტაბით დაფიქსირდა ჩვენი  ამომრჩევლის უპრეცენდენტო აქტივობა არჩევნებზე, რაც არის უკნიშვნელოვანესი და გადამწყვეტი. მინდა მადლობა გადავუხადო ყველას, ვინც მივიდა და ხმა მოგვცა. ასევე, მინდა მოგიწოდოთ ყველას, წინ არის 6 საათი და მიდით ნუ დარჩებით სახლში და გამოხატეთ თქვენი ნება. 

გასაგებია და ვუყურებთ ყველა, რომ ხელისუფლება მაქსიმალურად ცდილობს გამოყენოს ყველა ის გაყალბების მეთოდი, რომელიც აქამდეც გამოუყენებია. მაგრამ მერწმუნეთ,  ყველა გაყალბების მცდელობა არის არაეფექტური, როცა ამომრჩეველი მიდის არჩევნებზე. 

პიველ ტურში ჩვენმა მოსახლეობამ აჩვენა რომ გვინდა ცვლილებები და დარწმუნებული ვარ, რომ ჩვენი მოსახლეობა არჩევნებზე საბოლოო სიტყვას იტყვის და მხარს დაუჭერს წინსვლას და განვითარებას. 

ყველა უბანზე აბსოლუტურად ოცივე მუნიციპალიტეტში შეინიშნება მობილიზება მანქანების, საიდანაც ხდება გაკონტროლება, თუ ვინ მიდის არჩევნებზე. ხოლო, როდესაც პატრულს ვთხოვ რეაგირებას, ისინი სიმბოლურად არიან მობილუზებულები და არ გვეხამრებიან.

ასევე, ისნის მე-17 უბანზე დგას ვერცხლისფერი მიკროავტობუსი და თითოეული “ქართული ოცნების” ამომრჩეველი, მიდის მანდ და აძლევენ თანხას. 

კიდევ ერთი ფაქტი არის კოვიდ ამომრჩველი, რომლებიც რეგისტრაციის მიხედვით აძლევენ ხმას, რაც კანონდარღვევაა და იწვევს საარჩევნო უბანზე დაყოვნებას. 

მაგრამ დაიმახსოვრეთ ჩვენ გვიჭირავს ყველაზე მძლავრი იარაღი- მივიდეთ არჩევნებზე. დარწმუნებული ვარ, რომ მოვიპოვებთ ამ გამარჯვებას. მიდით და მიეცით ხმა.” - ამბობს უდუმაშვილი. 

ავტორი: ექსპრესნიუსი,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო