მარნეულში, დევნილი ოჯახებისთვის სოფლის ტიპის დასახლება აშენდა. თანამედროვე სტანდარტების შესაბამისი  31 სახლი იმ ოჯახებს გადაეცათ, რომლებიც წლების განმავლობაში ნგრევად შენობაში ცხოვრობდნენ.

დევნილთა სააგენტოს დირექტორის ბესარიონ სიმონიშვილის განცხადებით, პროექტი გერმანიისა და საქართველოს  მთავრობების წარმატებული თანამშრომლობის შედეგად განხორციელდა.

„ჩვენ გავხსენით ახალი სოფელი მარნეულში, თანამედროვე სტანდარტების შესაბამისი სახლებითა და ინფრასტრუქტურით. 31 დევნილი ოჯახი, რომლებიც ამ ადგილიდან რამდენიმე ასეული მეტრის დაშორებით ნგრევად შენობაში მძიმე პირობებში ცხოვრობდნენ ახალ ცხოვრებას იწყებენ. განსაკუთრებული მადლობა მინდა გადავუხადო გერმანიის მთავრობას, რომელთა დახმარებითაც მარნეულში, ინოვაციური პროექტი განხორციელდა და დევნილი ოჯახების ცხოვრება რადიკალურად შეიცვალა. ჩვენთვის განსაკუთრებით მნიშვნელოვანია, რომ იძულებით გადაადგილებულ ოჯახებს სწორედ იმ ადგილას შევუქმნათ ღირსეული საცხოვრებელი პირობები, სადაც ისინი წლების განმავლობაში ინტეგრირდნენ.

გერმანიის მთავრობის მხარდაჭერით, ახალი ქართულ სოფელს ავაშენებთ, გორის მუნიციპალიტეტშიც სოფელ ძევერას მიმდებარე ტერიტორიაზე, რასაც ჩვენთვის განსაკუთრებული სიმბოლური დატვირთვა აქვს.

დევნილებზე ზრუნვა, კვლავ რჩება ჩვენს ურყევ პრიორიტეტად, მნიშვნელოვანია, რომ თითოეულ ოჯახს, აფხაზეთსა და ცხინვალის რეგიონში დაბრუნებამდე, სათანადო საცხოვრებელი პირობები, შევუქმნათ“, - განაცხადა ბესარიონ სიმონიშვილმა.

ავტორი: NS (სტატია დაფინანსებულია),

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს