2021-10-11 13:12:04, 1042 ნახვა
მსოფლიო
რუსი ჟურნალისტი, ქსენია სობჩაკი მოყვა ავტოავარიაში, რომლის შედეგად 2 ადამიანი გარდაიცვალა
ცნობილი რუსი ჟურნალისტი და ტელეწამყვანი, ქსენია სობჩაკი შაბათს საღამოს, სოჭში, ავტოსაგზაო შემთხვევაში მოყვა, რომელსაც ორი ადამიანი ემსხვერპლა.
როგორც რუსული სააგენტოები იუწყებიან, მძღოლმა, რომელიც მართავდა საჭეს, დანაშაული აღიარა.
თავად რუსი ჟურნალისტი „ტელეგრამში“ წერს, რომ მას „ტვინის შერყევა და მრავალრიცხოვანი ტრავმები აქვს“, თუმცა მიუხედავად ამისა, უარს ამბობს ჰოსპიტალიზებაზე.
ამასთანავე, სობჩაკი წერს, რომ მანქანა, რომელშიც ის იჯდა, მას არ ეკუთვნოდა და ის მძღოლს „არ აჩქარებდა“.
„ინტერფაქსის“ წყარო წერს, რომ მანქანა, რომელშიც რუსი ჟურნალისტი იმყოფებოდა, შეეჯახა სხვა ავტომობილს, რომლის ორი მგზავრიც გარდაიცვალა, მესამე კი, მძიმე მდგომარეობაშია. ჯერჯერობით უცნობია, დაწყებულია თუ არა ფაქტზე გამოძიება.
ავტორი: ექსპრესნიუსი,
epn.ge (@expressnews.ge)
