ბათუმის რეფერალური საავადმყოფოს ქირურგის, კახაბერ ქაშიბაძის ინფორმაციით, კორპუსის ნანგრევებიდან ამოყვანილი ქალის მდგომარეობა უკიდურესად მძიმეა. მისი თქმით, პაციენტის თითქმის ყველა პარამეტრი სიცოცხლესთან შეუთავსებლობის ზღვარზეა.

რეფერალურ საავადმყოფოს მენეჯერი, ექიმი თამარ მხატვარი აცხადებს, რომ ნანგრევებიდან ამოყვანილი ქალის მდგომარეობა  არასტაბილურია, ფასდება როგორც  უკიდურესად მძიმე. 

'პაციენტს ჰქონდა გულის გაჩერება შესაბამისად ის კონტაქტური ვერ იქნებოდა. ამ ეტაპზე პაციენტის მდგომარეობა უმძიმესია. ხანგრძლივი ზეწოლის სინდრომი არის მდგომარეობა, როცა ადამიანი იმყოფება ზეწოლის ქვეშ და როგორც კი ეს მოიხსნება მდგომარეობა მძიმდება.  მიმდინარეობს რეანიმაციული ღონისძიებები. შეჩერებულია  სისხლდენა ოპერაციული ჩარევით' - განაცხადა თამარ მხატვარმა.

ამ დროისთვის მაშველები დაახლოებით 13 ადამიანის პოვნას ცდილობენ. დანგრეული კორპუსის ტერიტორიაზე სპეცტექნიკამ მუშაობა განაახლა.

26 მაისის ქუჩაზე, სახლის ნანგრევებიდან მაშველებმა ერთი გარდაცვლილი ამოიყვანეს. როგორც საგანგებო სიტუაციების მართვის სამსახურში აცხადებენ, გარდაცვლილი ქალია.

ერთი ვერსიით, ჩამოშლილი სადარბაზოს ერთ-ერთ ბინაში ტარდებოდა სარემონტო სამუშაოები, რა დროსაც მზიდი კედელი გამოაცალეს კორპუსს.

ავტორი: ექსპრესნიუსი,

სოციალური ქსელები

თეთრმა სახლმა განაცხადა, რომ აშშ-სა და ირანს შორის ტექნიკური მოლაპარაკებები მიმდინარეობს

უკრაინამ Rheinmetall-ისგან 155 მმ-იანი საარტილერიო ჭურვები შეუკვეთა

უკრაინამ და შვედეთმა 16 Gripen E გამანადგურებლის შესყიდვის შესახებ შეთანხმებას მოაწერეს ხელი

ღალიბაფი: თუ აშშ უარს იტყვის დიალოგის გზით ნაკისრი ვალდებულებების შესრულებაზე, ჩვენ ომისთვის მზად ვართ