სუს-იდან გამოღონილი ფაილების მიხედვით, ხაშურის პროკურორის თანამდებობაზე ნოდარ ბიკაშვილის შესაძლო დანიშვნასთან დაკავშირებით სიონის საკათედრო ტაძრის წინამძღვრის პროტოპრესვიტერ გიორგი ზვიადაძის და პარლამენტარ გია ვოლსკის შორის სატელეფონო საუბარი გაიმართა, სადაც ზვიადაძემ დეპუტატს და უმრავლესობის ერთ-ერთ ლიდერს შეახსენა,  მისი მეგობრის შვილის – ნოდარ ბიკაშვილის ხაშურში პროკურორის თანამდებობაზე დანიშვნის საკითხი. 

"მოპოვებული ინფორმაციით, სიონის საკათედრო ტაძრის წინამძღვარმა პროტოპრესვიტერმა გიორგი ზვიადაძემ პარლამენტარ გია ვოლსკის შეახსენა მისი მეგობრის შვილის – ნოდარ ბიკაშვილის ხაშურში პროკურორის თანამდებობაზე დანიშვნის საკითხი. გ. ვოლსკი დაჰპირდა, რომ ამ საკითხს შეათანხმებს მთავარ პროკურორთან ირაკლი შოთაძესთან. გ. ზვიადაძე ამ საკითხთან დაკავშირებით ასევე ესაუბრა მთავარი პროკურორის მოადგილეს გიორგი გაბიტაშვილს" - წერია სახელმწიფო უსაფრთხოების სამსახურიდან გამოჟონილ ერთ-ერთ ფაილში.
სატალეფონო საუბარი 2017 წლის  15 ივნისს გაიმართა.

ხაშურის რაიონული პროკურორი 2013 წლის აპრილიდან ირაკლი შანიძეა.

სიონის საკათედრო ტაძრის ხელმძღვანელის გიორგი ზვიადაძის შესახებ სუს-იდან გამოჟონილ ფაილებში ბევრი კრებსია. მათ შორის ზვიადაძის და მისი შვილის საუბარი, რომელიც ტექნოლოგიების პარკს ხელმძღვანელობს. მამა-შვილი ზვიადაძეები საუბარში განიხილავენ არჩილ თალაკვაძის მეუღლის ქეთევან ბუბუტეიშვილის ბედს, რომელიც საქართველოს ტექნოლოგიების პარკში მუშაობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ცნობილი ფსიქოთერაპევტ ანატოლი კაშპიროვსკის ცხედარი მოსკოვიდან უკრაინის საზღვრისკენ გადაასვენეს, მას უკრაინაში დაკრძალავდნ

ზახაროვა პრორუსი პროპაგანდისტების სანქცირებას დიდი ბრიტანეთის მხრიდან - ეს არის საშინელი ფარისევლობა ბრიტანეთის ხელისუფლების მხრიდან

საქართველოს ბანკის ბიზნეს მენეჯერი განახლდა — ბიზნესის მართვა კიდევ უფრო მარტივია

ზელენსკიმ და დიდი ბრიტანეთის საგარეო მინისტრმა პრილუკიში რუსული სარაკეტო დარტყმის ადგილი მოინახულეს