დასუფთავების მსოფლიო დღის აღნიშვნის ფარგლებში, თბილისის ზღვის მიმდებარე ტერიტორიაზე დასუფთავების აქცია ჩატარდა. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათივე ცნობით, დასუფთავების აქციაში მონაწილეობა გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა მიიღო.

„შვედეთის განვითარების სააგენტოსა და არასამთავრობო ორგანიზაციის “მწვანეთა მოძრაობის/დედამიწის მეგობრების” მიერ დაორგანიზებულ დასუფთავების აქციაში მონაწილეობა, ასევე, მიიღეს საქართველოს პარლამენტისა და “თბილსერვის ჯგუფის” წარმომადგნლებმა.

დასუფთავების მსოფლიო დღეს საქართველო დასუფთავების სამდღიანი კამპანიით აღნიშნავს. პროექტის „დავიცვათ საქართველოს სისუფთავე“ ფარგლებში, 17-19 სექტემბერს, მთელი ქვეყნის მასშტაბით, დასუფთავების აქციები იმართება”,- აღნიშნულია გავრცელებულ ინფორმაციაში.

გარემოს დაცვისა და სოფლის მეურნეობის მინისტრის მოადგილის განცხადებით, ნარჩენების მართვის სისტემის მოწესრიგება მნიშვნელოვნად ხელს უწყობს კლიმატის ცვლილებით განპირობებული უარყოფითი შედეგების შერბილებას.

„ნარჩენების ეფექტიანი მართვის მნიშვნელობასთან დაკავშირებით, განსაკუთრებულად აქტუალური და საჭიროა როგორც ცნობიერების ასამაღლებელი კამპანიების წარმართვა, ასევე დასუფთავების აქციებში მონაწილეობა”, - განაცხადა სოლომონ პავლიაშვილმა.

18 სექტემბერი დასუფთავების მსოფლიო დღეა. საერთაშორისო კამპანია 1993 წელს, გაეროს გარემოსდაცვითი პროგრამის (UNEP) ინიციატივით დაფუძნდა და მასში 133 ქვეყანაა ჩართული. საქართველო დასუფთავების მსოფლიო დღეს 2010 წლიდან აქტიურად აღნიშნავს

ავტორი: NS (სტატია დაფინანსებულია),

სოციალური ქსელები

ცნობილი ფსიქოთერაპევტ ანატოლი კაშპიროვსკის ცხედარი მოსკოვიდან უკრაინის საზღვრისკენ გადაასვენეს, მას უკრაინაში დაკრძალავდნ

ზახაროვა პრორუსი პროპაგანდისტების სანქცირებას დიდი ბრიტანეთის მხრიდან - ეს არის საშინელი ფარისევლობა ბრიტანეთის ხელისუფლების მხრიდან

საქართველოს ბანკის ბიზნეს მენეჯერი განახლდა — ბიზნესის მართვა კიდევ უფრო მარტივია

ზელენსკიმ და დიდი ბრიტანეთის საგარეო მინისტრმა პრილუკიში რუსული სარაკეტო დარტყმის ადგილი მოინახულეს