2021-09-08 10:56:14, 735 ნახვა
მსოფლიო
მექსიკაში ძლიერ მიწისძვრას მსხვერპლი მოჰყვა
მექსიკაში, ქალაქ აკაპულკოს რაიონში 7,1 მაგნიტუდის სიმძლავრის მიწისძვრა მოხდა. ინფორმაციას Twitter-ზე ნაციონალური სეისმოლოგიური სამსახური ავრცელებს.
მიწისძვრის შედეგად, წაიქცა ხეები, მთებიდან კი დიდი ლოდები ჩამოიშალა. სტიქიამ რამდენიმე შტატში ელექტროენერგიის გათიშვა გამოიწვია. ელექტროენერგიის გარეშე 1.6 მილიონი აბონენტი დარჩა.
ცნობისთვის, მექსიკის დედაქალაქში 1985 წელს ძლიერი მიწისძვრა მოხდა, რის შედეგად ათასობით ადამიანი დაიღუპა.
ავტორი: ექსპრესნიუსი,
epn.ge (@expressnews.ge)
