2021-08-30 11:17:19, 769 ნახვა
მსოფლიო
აშშ-ი მეოთხე კატეგორიის ქარიშხალ „იდას“ მსხვერპლი მოჰყვა
აშშ-ის აღმოსავლეთ სანაპიროს მექსიკის ყურიდან წამოსული ქარიშხალი იდა დაატყდა თავს. გარდაცვლილია ერთი ადამიანი. ევაკუირებულია ლუიზიანას შტატის ათასობით მცხოვრები.
ნიუ-ორლეანი ელექტრომომარაგების გარეშეა დარჩენილი. ქალაქში მხოლოდ გენერატორები მუშაობენ.
ლუიზიანაში მილიონობით მცხოვრებია ელექტროენერგიის გარეშე დარჩენილი. პრეზიდენტ ბაიდენის განცხადებით, სრულ რეაბილიტაციას, შესაძლოა, კვირები დასჭირდეს.
იდა ქარიშხალ კატრინას შემდეგ, რომელიც ლუიზიანასა და მისისიპის შტატებს 16 წლის წინ დაატყდა თავს, ყველაზე ძლიერი სტიქიაა ქვეყანაში.
ავტორი: ექსპრესნიუსი,
epn.ge (@expressnews.ge)
