ჯანმრთელობის მსოფლიო ორგანიზაციის ყოველკვირეული ანგარიშის მიხედვით, მსოფლიოში, გასული კვირის განმავლობაში, კორონავირუსით ინფიცირების 3.4 მილიონამდე ახალი შემთხვევა გამოვლინდა, რაც წინა კვირასთან შედარებით 12%-ით მეტია.

ჯანმო-ს ინფორმაციით, გასული კვირის განმავლობაში კორონავირუსს 57 000-მდე ადამიანის სიცოცხლე ემსხვერპლა, რა წინა კვირაში დაფიქსირებულ ლეტალურ შემთხვევებზე 2 000-ით მეტია.

ყოველკვირეულ ანგარიშში ვკითხულობთ, რომ დაინფიცირების ყველაზე მეტი შემთხვევა ინდონეზიაში ფიქსირდება, მას გაერთიანებული სამეფო მოსდევს, მესამე ადგილს კი, ბრაზილია იკავებს.

ამასთან, ორგანზაციაში აცხადებენ, რომ კორონავირუსის ე.წ ახალი შტამები, მთელი მსოფლიოს მასშტაბით აგრძელებენ გავრცელებას. კორონავირუსის ე.წ ბრიტანული შტამი მსოფლიოს 180 ქვეყანაშია გამოვლენილი, ე.წ სამხრეთ აფრიკული 130 ქვეყანაში, ე.წ ბრაზილიული შტამით ინფიცირება კი, 78 ქვეყანაში ფიქსირდება. რაც შეეხება კორონავირუსის ე.წ ინდურ შტამს, ის მსოფლიოს 124 ქვეყანაშია გამოვლენილი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მოსკოვის აეროპორტებში 30-ზე მეტი რეისი ვერ დაეშვა

კიევის რეგიონში რუსული თავდასხმის შედეგად დედა და ორი მცირეწლოვანი ბავშვი დაიღუპა, ხოლო კიდევ ერთი დედა-შვილი დაიჭრა

დრონებმა მოსკოვსა და მიმდებარე რეგიონზე მასშტაბური თავდასხმა განახორციელეს, რამაც საწყობებსა და ნავთობგადამამუშავებელ ქარხნებში ხანძარი გამოიწვია

ტრამპმა მოულოდნელად დაასრულა კემპ დევიდში საარჩევნო კამპანია, ახლო აღმოსავლეთში დაძაბულობის ესკალაციის ფონზე.