1-ივლისიდან ევროკავშირის ტერიტორიასა და შენგენის ზონაში კოვიდსერტიფიკატების ფუნქციონირება დაიწყო - აღნიშნულის შესახებ ინფორმაციას სააგენტო „დოიჩე ველე“ ავრცელებს.

როგორც სააგენტო წერს, კოვიდსერტიფიკატები 3 ტიპის იქნება, კერძოდ, კორონავირუსის საწინააღმდეგო ვაქცინაციის დამადასტურებელი, ჩატარებული ტესტის უარყოფითი პასუხის დამადასტურებელი და ვირუსისგან გამოჯანმრთელების სერტიფიკატი.

კორონავირუსით დაავადებულ პირებს სერტიფიკატის მიღება „პისიარ“ ტესტის დადებითი პასუხიდან 11 დღის შემდეგ შეეძლებათ და ის 180 დღის განმავლობაში იფუნქციონირებს.

სერტიფიკატი ევროკავშირის 27 წევრ ქვეყანაში, ასევე ისლანდიაში, ლიხტენშტეინში, ნორვეგიასა და შვეიცარიაში მოქმედებს. სერტიფიკატების გამცემი ორგანო ყველა ქვეყნისთვის ინდივიდუალურია.

კოვიდსერტიფიკატები გაიცემა იმ პირებისთვის, რომლებიც კორონავირუსის საწინააღმდეგო Pfier-ის, Moerna-ს, Astrazeneca-ს და Johnson&Johnson-ის ვაქცინებით იქნებიან აცრილნი. ამასთანავე, კოვიდსერტიფიკატების გაცემა იგეგმება Sinopharm-ითა და Sinovac-ით აცრილი პირებისთვისაც.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა