მნიშვნელოვანია, რომ ის ინსტრუმენტები, რომლებიც რეგლამენტის მიხედვით გაგვაჩნია დეპუტატებს, სრულად იყოს გამოყენებული, - ამის შესახებ პარლამენტის თავმჯდომარემ კახა კუჭავამ ჟურნალისტებთან საუბრისას განაცხადა.

კახა კუჭავა გამოეხმაურა „საერთაშორისო გამჭვირვალობა - საქართველოს“ კვლევას, რომლის მიხედვითაც, პარლამენტმა პანდემიის დროს ფაქტობრივად უარი თქვა თავისი ფუნქციის შესრულებაზე და აღნიშნა, რომ პანდემიისას, ბევრი რამ ვერ ხორციელდებოდა ისე, როგორც უნდა ყოფილიყო.

მანვე დასძინა, რომ პარტიებს და პოლიტიკურ ჯგუფებს უნდა ჰქონდეს პარლამენტში მუშაობის და არა მისი ბოიკოტირების სურვილი.

„პანდეემის დროს, ბევრი რაღაც ვერ ხორციელდებოდა ისე, როგორც უნდა განხორციელდეს, პარლამენტიც, მათ შორის, გარკვეული პერიოდის განმავლობაში დისტანციურ მუშაობაზე იყო. ძალიან მნიშვნელოვანია, რომ ის ინსტრუმენტები, რომელიც რეგლამენტის მიხედვით გაგვაჩნია დეპუტატებს, როგორც მმართველი გუნდიდან, ისე ოპოზიციის წარმომადგენლებიდან, სრულად იყოს გამოყენებული. ძალიან დიდი როლი გააჩნიათ დეპუტატებს პოლიტიკურ ჯგუფებს, პარტიებს, მათ უნდა ჰქონდეთ სურვილი არა ბოიკოტის, არამედ პარლამენტში მუშაობის და ზუსტად ეს იქნება საშუალება ბოლომდე იქნას გამოყენებული ყველა ის მექანიზმი, რომლის საშუალებასაც გვაძლევს ახალი რეგლამენტი“, - განაცხადა კახა კუჭავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო