„ქართული ოცნების“ მმართველობის პერიოდში ქვეყანა, ფაქტობრივად, ბანკროტია, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ ჟურნალისტებთან საუბრისას განაცხადა.

გიორგი ვაშაძის თქმით, საქართველოს სახელმწიფო ვალი 33 მილიარდ 480 მილიონი ლარია და თითოელი საქართველოს მოქალაქის წილი ამ ვალში, 9 ათასი ლარია.

გიორგი ვაშაძე გამოვიდა ინიციატივით, შეიქმნას ერთობლივი სამუშაო ჯგუფი და შემუშავდეს სტრატეგია, თუ როგორ შეიძლება შემცირდეს ვალი, გაიზარდოს ეკონომიკა და შეიქმნას სამუშაო ადგილები.

„33 მილიარდ 480 მილიონი ლარი არის საქართველოს სახელმწიფო ვალი, ვალი, რომელიც ჩვენ და ჩვენმა შვილებმა უნდა გადაიხადონ, შეიძლება შვილიშვილებმაც კი, ამ ვალიდან 25 მილიარდი ლარი აღებულია „ქართული ოცნების“ მმართველობის პერიოდში. სამწუხაროდ, საქართველოს არაფერი ეტყობა 25 მილიარდი ლარის გაკეთებული, ყველაზე ცუდია, რომ საქართველო მიუახლოვდა და გადააჭარბა კრიტიკულ ზღვარს და ძალიან მალე, შეიძლება შეგვიყვანონ შავ სიაში, რაც ნიშნავს, რომ კრიტიკულ პერიოდში უბრალოდ რომ დაგვჭირდეს ვალის აღება, ვერ ავიღებთ. სამწუხაროდ, „ქართული ოცნების“ მმართველობის პერიოდში ქვეყანა არის ფაქტობრივად ბანკროტი და ჩვენ, თითოეულ საქართველოს მოქალაქეს დაგვიგროვეს 9 ათასი ლარი, ანუ თითოეული საქართველოს მოქალაქის წილი ამ ვალში, არის 9 ათასი ლარი. მეგობრებო, ასე გაგრძელება უბრალოდ შეუძლებელია, შესაბამისად, იმისთვის რომ ქვეყანა გადავარჩინოთ, ვალებისგან თავი დავიხსნათ, გამოვდივართ ინიციატივით „სტრატეგია აღმაშენებელი“, ყველას, ვისაც გული შესტკივა ამ საკითხზე, ვინც ფიქრობს, რომ ამდენი ვალების აღება არის უკანონო და უსამართლო, შევქმნათ ერთობლივი სამუშაო ჯგუფი, ყოველგვარი პოლიტიკური მიკერძოების გარეშე, დავსხდეთ ერთად და შევიმუშავოთ სტრატეგია როგორ შევამციროთ ვალი, როგორ გავზარდოთ ეკონომიკა, როგორ შევქმნათ სამუშაო ადგილები, როგორ წავიდეთ წინ“, - განაცადა გიორგი ვაშაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო