ის, რასაც დღეს ვხედავთ, არის უბრალოდ შეჯიბრი ბიძინა ივანიშვილის კარზე, - ასე აფასებს საპარლამენტო ოპოზიციის წევრი სალომე სამადაშვილი „ქართული ოცნების“ თავმჯდომარის, ირაკლი კობახიძის ინტერვიუს საქართველოს ყოფილ პრემიერ-მინისტრ გიორგი გახარიასთან დაკავშირებით.

სალომე სამადაშვილის შეფასებით, გიორგი გახარია ცდილობს, ბიძინა ივანიშვილს შესთავაზოს პოლიტიკური პროექტი, „ქართული ოცნება“ კი, იცავს საკუთარ პოზიციებს.

მისივე თქმით, საბოლოო ჯამში, ძალაუფლების წყარო და ყველანაირი პრობლემის მიზეზი ბიძინა ივანიშვილის არაფორმალური მმართველობაა.

„ეს არის უბრალოდ შეჯიბრი ბიძინა ივანიშვილის კარზე, იმიტომ რომ გიორგი გახარია უბრალოდ ფიქრობს, შესთავაზოს ბიძინა ივანიშვილს პოლიტიკური პროექტი, რომელიც შეიძლება მისთვის უფრო საინტერესო იყოს ვიდრე გაკოტრებული „ქართული ოცნება“, ირაკლი კობახიძე იცავს საკუთარ პოზიციებს, როგორ ამ გაკოტრებული პარტიის თავმჯდომარე და საბოლოო ჯამში გადაწყვეტილების მიმღები, ძალაუფლების წყარო და საერთოდ ყველანაირი პრობლემის მიზეზი რჩება, ისევ და ისევ, ივანიშვილის არაფორმალური მმართველობა“, - განაცხადა სალომე სამადაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო