ევროსაბჭოს საპარლამენტო ასამბლეის მომხსენებლები მიესალმებიან საქართველოში შარლ მიშელის მედიაციით მიღწეულ პოლიტიკურ შეთანხმებას და მოუწოდებენ პოლიტიკურ მხარეებს, რომ ეროვნული ინტერესები, პარტიულ ინტერესებზე მაღლა დააყენონ.

როგორც ევროსაბჭოს მიერ გავრცელებულ განცხადებაშია აღნიშნული, შეთანხმებას შეუძლია შეასრულოს დიდი როლი ქვეყნის დემოკრატიულ კონსოლიდაციაში და მოუწოდებენ ყველა პარტიას, რომ შეუერთდნენ მას.

„მათ, ვინც არ შეერთებია შეთანხმებას, უნდა მოაწერონ ხელი შეყოვნების გარეშე. საქართველო გზაგასაყარზეა, ჩვენ მოვუწოდებთ ყველა პოლიტიკურ ძალას და აქტორს, ეროვნული ინტერესი, ქვეყნის ევროატლანტიკური ინტეგრაციის პრეოქტი მათი პარტიული და პირადი ინტერესებისა და სტრატეგიების წინ დააყენონ“, - აღნიშნულია განცხადებაში.

განცხადებაში საუბარია სასამართლო სისტემის მნიშვნელობაზე, რომელიც უნდა იყოს ჭეშმარიტად დამოუკიდებელი და მიუკერძოებელი და მომხსენებლები მოუწოდებენ ხელისუფლებას, რომ უზრუნველყონ სასამართლო რეფორმის მესამე და მეოთხე ტალღების შეთანხმებული შეფასება დაეფუძნოს ინკლუზიურ პროცესს, მათ შორის, სამოქალაქო საზოგადოების ჩართულობით.

ევროსაბჭოს საპარლამენტო ასამბლეის თანამომხსენებლები შეშფოთებას გამოთქვამენ ადმინისტრაციულ სამართალდარღვევათა კოდექსში, ბოლო დროს, მიღებული შესწორებების გამო და აღნიშნავენ, რომ ეს კანონი საკაოდ არასრულყოფილი საბჭოთა ეპოქის კოდექსია, რომლის დებულებებიც აჩენს კითხვებს.

განცხადებაში საუბარია საქართველოში ოქტომბერში დაგეგმილ თვითმმართველობის არჩევნებთან დაკავშირებითაც და თანამომხსენებლები მოუწოდებენ ყველა პოლიტიკურ ძალას, რომ უზრუნველყონ თვითმმართველობის არჩევნების დემოკრატიულად, საერთაშორისო სტანდარტების შესაბამისად ჩატარებისკენ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო