გაცხადდა, რომ გიორგი გახარია არა „ოცნების“ და ივანიშვილის, არამედ სხვა ვინმეს ან რამის პროექტია, - ასე ეხმაურება „ქართული ოცნების" თავმჯდომარე, პარტიის ყოფილი თავმჯდომარის, ბიძინა ივანიშვილის მიერ გიორგი გახარიასთან დაკავშირებით გამოქვეყნებულ განცხადებას.

როგორც ირაკლი კობახიძე აღნიშნავს, გიორგი გახარიას მიერ თებერვალში თანამდებობის დატოვება და სახელმწიფოს წინააღმდეგ გადადგმული ნაბიჯი, შეიძლება პოლიტიკურად შეფასდეს, როგორც სახელმწიფოს პირდაპირი ღალატი.

„გაცხადდა ამ ყველაფრით, რომ გახარია არ არის არც „ოცნების“ პროექტი, არც ივანიშვილის პროექტი და ამით მე მგონი გაცხადდა ისიც, რომ გახარია არის, სხვა ვინმეს ან სხვა რამეს პროექტი. რაც შეეხება შეფასებას - ღალატი, მოღალატე, ეს საუკეთესოდ ასახავს იმ ყველაფერს, რაც მოხდა ამა წლის თებერვალს საქართველოში, ყველაფერი საუკეთესოდ ასახავს იმას, თუ რა ნაბიჯები გადადგა გახარიამ. ეს იყო გუნდის ღალატი და უფრო მეტიც, როგორც ეს იყო ბიძინა ივანიშვილის განცხადებაში, ეს იყო სახელმწიფოს წინააღმდეგ გადადგმული ნაბიჯი და ეს შეიძლება პოლიტიკურად შეფასდეს, როგორც სახელმწიფოს პირდაპირი ღალატი“, - განაცხადა ირაკლი კობახიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო