პარლამენტის ოპოზიციონერი წევრი სალომე სამადაშვილი, ყოფილი თანაგუნდელების, „ნაციონალური მოძრაობის“ გადაწყვეტილებას პარლამენტში შესვლასთან დაკავშირებით დადებითად აფასებს.

როგორც სალომე სამადაშვილი აღნიშნავს, „ნაციონალური მოძრაობის“ მხრიდან პოლიტიკური შეცდომაა, რომ ისინი არ აწერენ ევროპული საბჭოს პრეზიდენტის, შარლ მიშელის მიერ შეთავაზებულ შეთანხმების დოკუმენტს.

„ნაციონალური მოძრაობის“ გადაწყვეტილება, რომ გააგრძელონ საქმიანობა პარლამენტში მიმაჩნია, რომ არის სწორი, თუმცა ვფიქრობ, რომ პოლიტიკური შეცდომაა მათი მხრიდან შარლ მიშელის დოკუმენტის ხელმოწერაზე უარის თქმა. მსურს ყველას შევახსენო, რომ ოპოზიციამ გადაწყვეტილება იმის თაობაზე, რომ გაეგრძელებინა საქმიანობა პარლამენტში მიიღო სწორედ აღნიშნული დოკუმენტის შეთანხმების საფუძველზე და მისი უზრუნველყოფის მიზნით, ამიტომ ვფიქრობ, რომ სწორი იქნებოდა „ნაციონალური მოძრაობა“ პარლამენტში შემოსვლის შემდეგ, შეუერთდეს აღნიშნულ შეთანხმებას“, - განაცხადა სალომე სამადაშვილმა.

მანვე დასძინა, რომ უკანასკნელი გამოკითხვების მიხედვით, „ქართულ ოცნებას“ არ აქვს შანსი, რომ თავიდან აიცილოს ვადამდელი არჩევნები.

„მე ვფიქრობ, რომ ჩვენ თუ ვნახავთ უკანასკნელ გამოკითხვებს საზოგადოებრივი აზრის, დავინახავთ ძალიან მყარად, რომ „ქართულ ოცნებას“ ფაქტობრივად არ აქვს შანსი, მიაღწიოს იმ ნიშნულს, რომელიც მათ მისცემს შესაძლებლობას, რომ თავიდან აიცილონ ვადამდელი არჩევნები და რეალურად, მიშელის დოკუმენტმა გაკაფა გზა იმისთვის, რომ ჩვენ უზრუნველვყოთ ვადამდელი არჩევნები, ამ ფონზე, მითუმეტეს გაუგებარია, რატომ არ უერთდებიან ამ შეთანხმებას ის პოლიტიკური პარტიები, რომლებიც თავიდანვე აცხადებდნენ ბოიკოტს“, - დასძინა სალომე სამადაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო