გიორგი გახარია იყო „ქართული ოცნების“ სიის პირველი ნომერი, მათი კრიზის მენეჯერი და ახლა აბსურდულ ბრალდებებს ვისმენთ, - ამის შესახებ „ნაციონალური მოძრაობის“ წევრმა, ხატია დეკანოიძემ განაცხადა, რითაც გამოეხმაურა ირაკლი კობახიძის მიერ გაკეთებულ გუშინდელ განცხადებას.

როგორც დეკანოიძემ აღნიშნა, „ქართული ოცნება“ ჩამოშლილი, დაშლილი და გაკოტრებულია, რომელსაც თვითმმართველობის არჩევნებში გამარჯვების იმედი აღარ აქვს.

„ალბათ უკვე ყველამ გაიგო რა რთულ ვითარებაში არის ჩამოშლილი და დაშლილი „ქართული ოცნება“, როდესაც მისი ერთ-ერთი მთავარი წარმომადგენელი საუბრობს წარმოუდგენელ აბსურდზე. გიორგი გახარიას რამდენიმე კვირის წინ ადიდებდნენ, შემდეგ სიის პირველი ნომერი ჰყავდათ, მთელი წლის განმავლობაში გაუგონარი კრიზის მენეჯერი იყო და ახლაც იგივე ნარატივს აგრძელებენ და იგივე გზავნილები აქვთ, რაც მთელი ამ ცხრა წლის განმავლობაში. ჩამოშლილი, დაშლილ, გაკოტრებული პოლიტიკური ძალა, რომელსაც არავითარი იმედი არ აქვს, რომ ისინი თვითმმართველობის არჩევნებზე მოახერხებენ გამარჯვებას. ეჭვგარეშეა უკვე, რომ დაინიშნება ვადამდელი არჩევნები. ახლა საუბრობენ იმდენად სულელურ აბსურდს, რომ შეურაცხყოფას აყენებენ არამხოლოდ საზოგადოებას, არამედ საკუთარ ამომრჩეველსაც კი“, - განაცხადა ხატია დეკანოიძემ.

ცნობისთვის, „ქართული ოცნების“ თავმჯდომარემ, ირაკლი კობახიძემ „რუსთავი 2“-ის ეთერში გიორგი გახარიასა და მიხეილ სააკაშვილის ერთობლივ გეგმებზე ისაუბრა.

ავტორი: ექსპრესნიუსი,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო