პარლამენტში ახალი ოპოზიციური ფრაქცია, „შარლ მიშელის რეფორმის ჯგუფი“ შეიქმნა.

აღნიშნულის შესახებ „სტრატეგია აღმაშენებელის“ ლიდერმა, გიორგი ვაშაძე საკანონმდებლო ორგანოში გამართულ ბრიფინგზე განაცხადა.

მისი თქმით, ფრაქციის ხელმძღვანელი ხათუნა სამნიძე, თავმჯდომარის მოადგილე კი პაატა მანჯგალაძე იქნება.

„დღეს კიდევ ერთი ფრაქცია შეიქმნა, რომელიც არის მრავალპარტიული, რომელშიც არიან დამოუკიდებელი დეპუტატები. ფრაქცია არის მექანიზმი, რომ უფრო ეფექტურად ვიმუშაოთ პარლამენტში. სახელწოდება მოდის იმ შეთანხმებიდან, რომელი შეთანხმებითაც შემოვედით ამ პარლამენტში და რომელი შეთანხმების რეალიზებაზეც ავიღეთ პასუხისმგებლობა ამომრჩევლის წინაშე. ფრაქციის ხელმძღვანელი იქნება ხათუნა სამნიძე, თავმჯდომარის მოადგილე - პაატა მანჯგალაძე, ხოლო ფრაქციის აპარატს სერგო ჩიხლაძე უხელმძღვანელებს. ეს არის ის მენეჯმენტი, რაც გვექნება ფრაქციაში.

ჩვენი მთავარი მიზანია, ვიყოთ ხალხის პარლამენტში და გავაკეთოთ მაქსიმუმი იმისათვის, რომ საქართველოს მოქალაქეებმა იგრძნონ, რომ პოლიტიკა და პარლამენტი არის მათთვის და არა მხოლოდ ელიტისთვის. ჩვენი მიზანია ვისაუბროთ ხალხის პრობლემებზე და ვაიძულოთ „ქართულ ოცნებას“ როგორც შეთანმხების შესრულება, ასევე ხალხის საჭირბოროტო საკითხებზე კონკრეტული პასუხების გაცემა“, - განაცხადა გიორგი ვაშაძემ.

ავტორი: ექსპრესნიუსი,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო