მისთვის პოლიტიკურ ველზე შემოსვლა იოლი არ იქნება, - ასე აფასებს „სტრატეგია აღმაშენებელის“ წევრი, სერგო ჩიხლაძე საქართველოს ყოფილი პრემიერის, გიორგი გახარიას პოლიტიკაში დაბრუნებას.

როგორც მან აღნიშნა, გახარია ძირითადად, „ქართული ოცნების“ კონკურენტი იქნება, რადგან ოპოზიციური პარტიების ამომრჩეველი მას მხარს არ დაუჭერს.

„იოლი არ იქნება მისთვის პოლიტიკურ ველზე შემოსვლა. ეს არ არის სელფის დადება და ასობით ათასი მოწონების დაგროვება. მან უამრავ კითხვას უნდა გასცეს პასუხი, განსაკუთრებით 20 ივნისთან დაკავშირებით. როგორ მოახდენს პოზიციონირებას, რა პოზიციები ექნება მას, თუნდაც, „ქართულ ოცნებასთან“, ბიძინა ივანიშვილთან მიმართებაში, თუ მას სურს ოპოზიციონერობა, ვისი ოპოზიცია იქნება?

რაც შეეხება იმას, თუ ვისი კონკურენტი იქნება. ის ძირითადად, „ქართული ოცნების“ კონკურენტი იქნება. დარწმუნებული ვარ, ჩვენი ამომრჩეველი გიორგი გახარიას არასდროს მისცემს ხმას, ისევე როგორც სხვა რეალურად ოპოზიციური პარტიების ამომრჩეველი“,- განაცხადა სერგო ჩიხლაძემ.

ცნობისთვის, საქართველოს ყოფილი პრემიერ-მინისტრის, გიორგი გახარიას პარტიის - „საქართველოსთვის“ პრეზენტაცია დღეს გაიმართება.

ავტორი: ექსპრესნიუსი,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო