19-20 ივნისის მოვლენებზე მომზადებულ ამნისტიის კანონპროექტთან დაკავშირებით მმართველ გუნდსა და ოპოზიციას შორის შეთანხმება ვერ შედგა.

როგორც საპარლამენტო უმრავლესობის წევრმა ანრი ოხანაშვილმა ჟურნალისტებთან საუბრისას განაცხადა, პარტია „ლელოს" მოთხოვნები სრულად ეწინააღმდეგება და არღვევს შარლ მიშელის მედიაციით მიღწეული შეთანხმების არსს და სულისკვეთებას.

მანვე დასძინა, რომ პარლამენტის თავმჯდომარის მხრიდან იყო შეთავაზება, ამიტომ მმართველი გუნდი მზადაა, რომ პოზიციების დასაახლოებლად იმსჯელოს ოპოზიციასთან.

„როდესაც საუბრობ კონკრეტულ საკითხზე, რომელიც არა თუ შეთანხმებაში არ ყოფილა განხილული, არამედ პირიქით, საკუთარი პასუხისმგებლობის კონკრეტულ სამოქალაქო პირებზე გადატანას ემსახურება, პირდაპირ არღვევს შეთახმების არსს. ამით ის სულისკვეთება, რაც ჩაიდო შეთანხმებაში, ვერ შესრულდება და დავარღვევთ. ამიტომ „ლელოს“ აქვს ეს მოთხოვნები, ამ შემთხვევაში, ჩვენ ვერ ვიქნებით თანაზიარნი. სხვა ოპოზიცურ ჯგუფებს აქვთ თანამშრომლობის მოლოდინი გარკვეული საკითხების დაზუსტების მიზნით. ამიტომ იყო პარლამენტის თავმჯდომარის მხრიდან შემოთავაზება, რასთან დაკავშირებითაც ჩვენ გამოვთქვამთ მზაობას, რომ ვიმსჯელოთ და დავაახლოვოთ პოზიციები“, - განაცხადა ანრი ოხანაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო