ოპოზიციის მხრიდან გაკეთდა განცხადებები, რომ ვერ დაამტკიცეს არჩევნების გაყალბება, ამიტომ შემოვიდნენ პარლამენტში, - ამის შესახებ საქართველოს პარლამენტის თავმჯდომარემ, კახა კუჭავამ ბრიუსელში, EURACTIV-თან მიცემულ ინტერვიუში განაცხადა.

„ოპოზიციის წარმომადგენლების მხრიდან გაკეთდა განცხადებები იმის შესახებ, რომ მათ ვერ დაამტკიცეს, რომ არჩევნებიი გაყალბდა და ამიტომ, ისინი კვლავ პარლამნეტში დაბრუნდნენ და მათი აზრით, მნიშვნელოვან შეთანხმებას მიაღწიეს. „ერთიანი ნაციონალური მოძრაობა“ ნამდვილად გარეთ რჩება, ჩვენ კვლავ ვხედავთ, კარვებს პარლამენტის წინ“, - განაცხადა კახა კუჭავამ.

საკანონმდებლო ორგანოს თავმჯდომარე აღნიშნავს, რომ ადგილობრივი თვითმმართველობის არჩევნებში „ქართულ ოცნებას“ არ აქვს 43%-ზე ნაკლების აღების მოლოდინი.

მისივე თქმით, იმ შემთხვევაში, თუ მმართველი გუნდი 43%-ზე ნაკლებს აიღებს, გაიმართება მოლაპარაკებები ვადამდელი არჩევნების თარიღის ჩანიშვნასთან დაკავშირებით, რაც გათვალისწინებულია შარლ მიშელის შეთანხმების დოკუმენტში.

„დარწმუნებული ვარ, „ქართული ოცნება“ ადგილობრივი თვითმმართველობის არჩევნებში გაიმარჯვებს. იმ შემთხვევაში, თუ 43%-ზე ნაკლებს მივიღებთ, ეს გამოწვევს შეთანხმების გათვალისწინებული პუნქტის შესრულებას, რომლის მიხედვითაც, გაიმართება მოლაპარაკებები ვადამდელი არჩევნების ჩანიშვნის თარიღზე. ადრეული გამოკითხვით, რომელიც რეგულარულად ტარდება, „ქართულ ოცნებას“ არ აქვს მოლოდინი, რომ 43%-ზე ნაკლებს აიღებს“, - განაცხადა კახა კუჭავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო

საბერძნეთი განიხილავს ლიეტუვაში კრემლის ორი კრიტიკოსის მკვლელობის დაგეგმვაში ეჭვმიტანილი საქართველოს მოქალაქის ექსტრადირებას