საქართველოს პარლამენტის თავმჯდომარე კახა კუჭავა აცხადებს, რომ საქართველოს სჭირდება სრულად ფუნქციონირებადი პარლამენტი, სადაც უნდა ისმოდეს ამომრჩევლის ხმა.

როგორც კახა კუჭავამ ევროპელ პარტნიორებთან შეხვედრის შემდეგ განაცხადა, საქართველოს ამბიციური გეგმების განსახორციელებლად სჭირდება, რომ საკანონმდებლო ორგანოში ისმოდეს 150-ვე დეპუტატის ხმა.

მანვე დასძინა, რომ ევროპელი პარტნიორები მოუწოდებენ პოლიტიკურ პარტიებს, რომლებსაც ჯერ არ მიუღიათ პარლამენტში შესვლის გადაწყვეტილება, რომ დაიკავონ ადგილები საკანონმდებლო ორგანოში.

„ევროპელმა პარტნიორებმა კიდევ ერთხელ მიულოცეს ყველა მხარეს, ვინც ხელი მოაწერა დოკუმენტს ის არჩევანი, რომელიც არის უალტერნატივო. პარლამენტში ისმოდეს მათი ამომრჩევლის ხმა და საკითხების განხილვა იყოს პარლამენტში და რა თქმა უნდა, ისინი მოუწოდებენ ყველა იმ პოლიტიკოსს და არჩეულ პარლამენტარს, რომელიც ჯერჯერობით არ შემოუერთდა პარლამენტის მუშაობას, რომ დაიკავონ ეს ადგილები.

საქართველოს სჭირდება იმ ამბიციური გეგმების განსახორციელებლად, რომელიც ჩვენ გვაქვს, რომ პარლამენტი იყოს სრულფასოვნად ფუნქციონირებადი და ყველა ამომრჩევლის ხმა ისმოდეს პარლამენტში, რაც ნიშნავს 150-ვე დეპუტატის მონაწილეობას ამ პროცესში“, - განაცხადა კახა კუჭავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო

საბერძნეთი განიხილავს ლიეტუვაში კრემლის ორი კრიტიკოსის მკვლელობის დაგეგმვაში ეჭვმიტანილი საქართველოს მოქალაქის ექსტრადირებას