კახი კავსაძის ჯანმრთელობის მდგომარეობა კვლავ მძიმეა - მსახიობი რეანიმაციაში რჩება

2021-04-12 15:21:23, 548 ნახვა

საზოგადოება

მსახიობი კახი კავსაძის ჯანმრთელობის მდგომარეობა კვლავ მძიმეა.

როგორც „ექსპრესნიუსს“ პირველი საუნივერსიტეტო კლინიკის კლინიკურმა დირექტორმა, ლალი ტურძელაძემ განუცხადა, მსახიობი რეანიმაციულ განყოფილებაში რჩება

„კახი კავსაძის ჯანმრთელობის მდგომარეობა არ შეცვლილა. ის კვლავ რეანიმაციულ განყოფილებაში რჩება“, - განაცხადა ლალი ტურძელაძემ.

შეგახსენებთ, რომ მსახიობ კახი კავსაძეს ნოემბერში კორონავირუსი დაუდასტურდა, ვირუსისგან გამოჯანმრთელების შემდეგ ის კლინიკიდან გაწერეს. მოგვიანებით, ჯანმრთელობის მდგომარეობის გაუარესების გამო, მსახიობი კვლავ თბილისის პირველ საუნივერსიტეტო კლინიკაში მოათავსეს, სადაც ის უკვე ერთ თვეზე მეტია მკურნალობს.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან