მარინა კალიურანდი - ვწუხვარ გალის რაიონის 4 მცხოვრების გარდაცვალების გამო, ეს ტრაგედია ადგილობრივი მოსახლეობის ტკივილს ასახავს

2021-04-09 17:37:58, 1168 ნახვა

პოლიტიკა

ევროპარლამენტარი მარინა კალიურანდი გალის რაიონის ოთხი მაცხოვრებლის გარდაცვალების გამო მწუხარებას გამოთქვამს.

როგორც ევროპარლამენტარის მიერ გავრცელებულ განცხადებაშია აღნიშნული, რუსეთის ფედერაციამ პატივი უნდა სცეს საერთაშორისო ვალდებულებებს და უარი თქვას აფხაზეთისა და ცხინვალის აღიარებაზე.

„ღრმად დამწუხრებული ვარ გალის რაიონის ოთხი მაცხოვრებლის გარდაცვალების გამო, რომლებიც თბილისის მიერ კონტროლირებად ტერიტორიასა და აფხაზეთის ოკუპირებულ რეგიონს შორის მდინარე ენგურის გადაკვეთის მცდელობისას დაიხრჩვნენ. გულწრფელ სამძიმარს ვუცხადებ მათ ოჯახებსა და მეგობრებს. მინდა ჩემი გულწრფელი სამძიმარი გამოვხატო მათი ოჯახებისა და მეგობრების მიმართ.

უკანასკნელი ტრაგედია, რომელიც გამოიწვია გადაადგილების თვითნებურად დაბრკოლებამ, ასახავს იმ ტკივილს, რომელსაც იტანს ადგილობრივი მოსახლეობა, რომელიც მანამდე მშვიდობიანად და ჰარმონიულად ცხოვრობდა, აგრეთვე, გამოხატავს ადამიანის უფლებების მდგომარეობის გაუარესებას ოკუპირებულ რეგიონებში. ევროპარლამენტმა არაერთხელ გამოხატა ურყევი მხარდაჭერა საქართველოს სუვერენიტეტისა და ტერიტორიული მთლიანობისადმი, საერთაშორისოდ აღიარებულ საზღვრებში და მოუწოდა კონფლიქტის მშვიდობიანი გზით მოგვარებისკენ - მოლაპარაკებებისა და დიპლომატის გზით.

რუსეთის ფედერაციამ პატივი უნდა სცეს საერთაშორისო ვალდებულებებს და უარი თქვას აფხაზეთისა და ცხინვალის აღიარებაზე. რუსეთი ახორციელებს ეფექტურ კონტროლს და მან უპირობოდ უნდა დაუშვას ოკუპირებულ ტერიტორიებზე ევეროკავშირის მონიტორინგის მისია“, - აღნიშნულია განცხადებაში.

ცნობისთვის, რუსული საოკუპაციო ძალების მიერ დაწესებული შეზღუდვების გამო, ოკუპირებულ ტერიტორიაზე მცხოვრები 4 პირი საქართველოს ცენტრალური ხელისუფლების მიერ კონტროლირებად ტერიტორიაზე გადმოსვლას მდინარე ენგურის გავლით ცდილობდა. მდინარის ადიდების გამო - ოთხივე მათგანი დაიხრჩო.

I have been deeply saddened by the deaths of four #Gali district residents, who drowned while trying to cross the #Enguri river between the Tbilisi-controlled territory and the occupied region of #Abkhazia ???????? I wish to extend my sincere condolences to their families and friends???? pic.twitter.com/snZVNkstyn
— Marina Kaljurand MEP (@MarinaKaljurand) April 9, 2021