საქართველოს პრეზიდენტმა სალომე ზურაბიშვილმა პარლამენტში ანგარიშით წარდგენისას 9 აპრილის ტრაგედიასა და საქართველოს უახლეს ისტორიაში მის მნიშვნელობაზე ისაუბრა.

როგორც სალომე ზურაბიშვილმა აღნიშნა, არ შეიძლება აღვნიშნავდეთ 9 აპრილს და ამავდროულად არ გვესმოდე, რომ ერთადერთი ძალა, მხოლოდ ერთად დგომაშია

მისივე თქმით, საქართველოს წარსულმა ასწავლა, რომ ვიმარჯვებთ მაშინ, როცა ერთად ვართ და არა პირიქით, ორ ბანაკად გაყოფილნი.

„9 აპრილი უფრო ხშირად გაიგივებულია 1989 წლის ტრაგედიასთან და გლოვასთან, თუმცა 1991 წლის 9 აპრილმა დაძლია ეს ტრაგედია და გადააქცია გამარჯვების სიმბოლოდ. სახელმწიფოსთვის ეს დღე სამმაგი გამარჯვების დღეა.

მანვე დასძინა, რომ საქართველოს მიერ 30 წლიანი გზა იყო რთული, კონფლიქტების, ომის, ძმათა დაპირისპირების და ტერიტორიების ოკუპაციის, თუმცა ქვეყანამ გააგრძელა შეუფერხებელი წინსვლა.

ჩვენს მიერ გავლილი 30 წელი ამის შემდეგ იყო რთული, კონფლიქტების, ომის, ძმათა დაპირისპირების, ტერიტორიების ოკუპაციის, მსხვერპლის, მაგრამ შეუფერხებელი წინსვლის, განვითარებისა და საკუთარ ეროვნულ და ევროპულ გზაზე დაბრუნების. არ შეიძლება დღეს და აქ წარმოთქმული ჩემი სიტყვა იყოს წარსულის მიმოხილვა, ჩვენი წარსული იმდენად ღირებულია და იმდენად უნდა ვიცოდეთ და გვაინტერესებდეს, რამდენადაც ის ქმნის ჩვენი დღევანდელი და ხვალინდელი დღის ნიადაგს. ის ან ერთმანეთს გვაშორებს და გვასუსტებს, ან პირიქით, გვაერთიანებს და გვაძლიერებს. სწორედ ამიტომ, არ შეიძლება აღნიშნავდეთ 9 აპრილს და ამავდროულად არ გვესმოდეს, რომ ჩვენი ერთადერთი ძალა, მხოლოდ ერთად დგომაშია. ერთიანობა ვერ მოიპოვება დაძალებით, ვერც სხვისი მონობით. ეს გზა გავლილი გვაქვს და აღარ დავუბრუნდებით. მრავალფეროვნება, მრავალაზროვნება ასევე მრავალპარტიულობა ამ ერთიანობის განუყოფელი ნაწილია, ამას თავისუფლება ჰქვია. ეს იმასაც ნიშნავს, რომ უნდა ვიცოდეთ დათმობაც, სხვისი აზრის გათვალისწინება და თუ არა ეს, სულ ცოტა გაგება მაინც და ქვეყნის ინტერესების ჩვენ პირად, პარტიულ თუ სხვა ინტერეესებზე მუდამ მაღლა დაყენება. ჩვენმა წარსულმა გვასწავლა, რომ ვიმარჯვებთ მაშინ, როცა ერთად ვართ და არა პირიქით, როცა ორ ბანაკად ვართ გაყოფილი და არც ერთ მხარეს არ სურს მოისმინოს მეორეს პოზიცია“, - განაცხადა პრეზიდენტმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საპატრიარქო სამთავრო მონასტერში რუსულ წირვაზე - უცხოელ სასულიერო პირებს ასამაღლებლის წარმოთქმის უფლება მშობლიურ ენაზეც საეკლესიო ტრადიციით ეძლევათ

ტრამპმა განაცხადა, რომ ომის დასრულების მიზნით ზელენსკისთან მოლაპარაკებას არ აპირებს

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს