ჯანდაცვის მინისტრის მოადგილე თამარ გაბუნია აცხადებს, რომ ამ ეტაპზე, საქართველოში ფართო „ლოქდაუნის“ დაწესება არ იგეგმება.

როგორც თამარ გაბუნია აღნიშნავს, ქვეყანაში საყურადღებოა ეპიდვითარება, რომელიც შეინიშნება კონკრეტულ რეგიონებში.

მისივე თქმით, მიმდინარე პროცესში მოსალოდნელია ადგილობრივი, მცირე და წერტილოვანი შეზღუდვები.

„ამ ეტაპზე, ნამდვილად არ იგეგმება ფართო „ლოქდაუნი“, უფრო მეტიც, ამ ეტაპზე, ყველაფერი კეთდება იმისთვის, რომ მაქსიმალურად სწრაფად მოხდეს ადგილობრივი მატების ლოკალიზება, რადგან გვესმის ყველას, რომ ფართომასშტაბიან შეზღუდვებს ქვეყანა სოციალური და ბიზნესაქტივობების მიზნებისთვის, ძალიან რთულად გადაიტანს, ამდენად, მნიშვნელოვანია მცირე, ადგილობრივი, წერტილოვანი რეაგირება ძალიან სწრაფად, ეს არის ის, რაც მიმდინარე პროცესში კეთდება“, - განაცხადა თამარ გაბუნიამ.

ნამდვილად საყურადღებოა ეპიდემიური სურათი, შემთხვევების მატება აღინიშნება, ეს აღინიშნება კონკრეტულ რეგიონებსა და კონკრეტულ დასახლებულ უბნებში. დღეს ჩვენთვის მთავარია ლოკალიზაცია ადგილზე ეპიდემიის გავრცელების. ჯერჯერობით ჩვენ ცვდილობთ, რომ ლოკალიზაცია მოდებს ამ გზებით, შემდეგ როგორც განვითარდება სიტუაცია, ამის მიხედვით იქნება მიღებული სხვა გადაწყვეტილება. ერთადერთი რაც შემიძლია ვთქვა, ჩვენ რომ ეპიდემიას ესკალაციის საშუალება მივცეთ, ამ ეტაპე არის დაუშვებელი“, - განაცხადა ჯანდაცვის მინისტრის მოადგილემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას