„სამწუხაროდ დღეს არ იყო მზაობა იმისთვის, რომ მიღწეულიყო კომპრომისი“, - ამის შესახებ ევროპული საბჭოს პრეზიდენტის, შარლ მიშელის პირადმა წარმომადგენელმა კრისტიან დანიელსონმა განაცხადა.

მან ასევე აღნიშნა, რომ კომპრომისები სჭირდება ევროპულ მისწრაფებებს.

„იყო საკითხები, რაზეც მიღწეული იყო თანხმობა, ეს შეეხება საარჩევნო რეფორმასა და ძალაუფლების გადანაწილებას.

ეს არის პოზიტიური და ამ მიმართულებით გაგრძელდება მუშაობა. საქართველოს პარტნიორები არ არიან აქ იმისთვის, რომ პარტიებს თავს მოახვიონ გადაწყვეტილებები. ეს არ არის მეთოდები, რომელსაც ევროკავშირი იყენებს. ჩვენი მოვალეობაა მედიაცია, ხოლო საქართველოს ლიდერებმა უნდა მიიღონ კომპრომისები და გაუმკლავდნენ ამ გამოწვევებს.

კომპრომისი არის სიძლიერე და არა სისუსტე, ევროპულ მისწრაფებებს სჭიდება კომპრომისების, განსაკუთრებით იმ პარტიისგან, რომელიც მთავრობაშია, იმისთვის რომ ქვეყანა გამოიყვანოს კრიზისისგან.

სამწუხაროდ დღეს არ იყო მზაობა იმისთვის, რომ მიღწეულიყო კომპრომისი. მე მოვახსენებ პრეზიდენტ მიშელს, თუ რა ხდებოდა ამ ერთი კვირის მანძილზე და ის გადწყვეტს რა იქნება შემდეგი ნაბიჯები და როდის იქნება ის გადადგმული“, - განაცხადა კრისტიან დანიელსონმა.

ავტორი: ექსპრესნიუსი,

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას