ქვეყანაში ეპიდსიტუაცია უარესდება, დავიჯერეთ, რომ გავიმარჯვეთ კორონავირუსზე, - ამის შესახებ დაავადებათა კონტროლის ეროვნული ცეტნრის ხელმძღვანელმა, ამირან გამყრელიძემ მთავრობის ადმინისტრაციაში, ბრიფინგზე განაცხადა.

ამირან გამყრელიძემ მოქალაქეებს სოციალური დისტანციის დაცვისკენ, პირბადის ტარებისკენ და დიდი თავშეყრებისგან თავის არიდებისკენ მოუწოდა.

„ეპიდსიტუაცია სამწუხაროდ, ქვეყანაში უარესდება. ბოლო 2 კვირის განმავლობაში, ყველა ის მაცვენებელი, რომელიც ეპიდვითარებას ახასიათებს, ბოლო 2 კვირის განმავლობაში მცირედ, მაგრამ ტენდენცია გამოჩნდა გაუარესებისკენ, განსაკუთრებით დღეს, 673 ახალი შემთხვევა გვაქვს. ეს არის ძალიან საყურადღებო მაჩვენებელი, დადებითობის მაჩვენებელი გაიზარდა, თუმცა 14 დღიანი გვაქვს 1,69%. რა თქმა უნდა, მაჩვენებლები და ეპიდვითარება უკეთესია, ვიდრე გვქონდა თებერვალში, კიდევ უკეთესი, ვიდრე იანვარში. 600-ზე მეტი ახალი შემთხვევა, ბოლოს გვქონდა თებერვლის პირველ კვირაში და აქედან გამომდინარე, ეს ძალიან საყურადღებოა.

თუ არ გამკაცრდა ზედამხედველობა და აღსრულებაზე კონტროლი ყველა იმ ღონისძიებებზე, რაზეც ვსაუბრობთ; პირბადე, დისტანცია, თავშეყრებისგან თავის არიდება, კიდევ იგივეს ვიმეორებთ, რაც გავიმეორეთ აგვისტოში, რომ დავიჯერეთ, რომ გავიმარჯვეთ კორონავირუულ ინფექციაზე, ამან შესაძლოა სავალალო შედეგებამდე მიგვიყვანოს, გამეორდეს იგივე, რაც იყო ნოემბერ-დეკემბერში", - განაცხადა ამირან გამყრელიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მთავარეპისკოპოსი ზენონ იარაჯული - როცა გზა ეთმობა ძალმომრეობას, ეკლესია კარგავს არა მხოლოდ წესრიგს, არამედ საკუთარ არსს და იდენტობას

Turkish Airlines 18 საერთაშორისო მარშრუტზე რეისებს აჩერებს

რუბიო რომსა და ვატიკანს ეწვევა პაპთან და იტალიასთან კონფლიქტის ფონზე

ოცნების მეგობარი თურქმენეთი ფრთხილად არბილებს შიდა პოლიტიკას - Reuters