2021-03-27 11:57:27, 1075 ნახვა
მსოფლიო
მიანმარში საპროტესტო აქციებს კიდევ 16 პირის სიცოცხლე ემსხვერპლა
მიანმარის უსაფრთხოების ძალების წარმომადგენლებმა საპროტესტო აქციების კიდევ 16 მონაწილე მოკლეს.
ამის შესახებ ინფორმაციას „როიტერსი“ ავრცელებს.
სააგენტოს ცნობით, პირველი თებერვლის სამხედრო გადატრიალების შემდეგ დემონსტრანტებმა საპროტესტო აქციები იანგონში, მანდალაიში და ქვეყნის სხვა ქალაქებში გამართეს.
აქციის მონაწილეები გააფრთხილეს, რომ თუ „შეიარაღებული ძალების დღეს“ მათი მხრიდან რაიმე საფრთხე შეიქმნებოდა, უსაფრთხოების ძალები ცეცხლს გახსნიდნენ.
აქციის მონაწილეებმა ამ დღეს „შეიარაღებული ძალების სირცხვილის დღე“ უწოდეს. მიანმარში მიმდინარე საპროტესტო აქციების დროს 300-ზე მეტი ადამიანია მოკლული.
შეგახსენებთ, რომ მიანმარში სამხედრო გადატრიალებასთან დაკავშირებულ პირებს აშშ-მა და ევროკავშირმა სანქციები დაუწესეს.
ავტორი: ექსპრესნიუსი,
epn.ge (@expressnews.ge)
