2021-03-11 14:39:43, 714 ნახვა
სამართალი
პროკურატურაში აცხადებენ, რომ „ტვ პირველში“ შეჭრის შესახებ გავრცელებული ინფორმაცია სიცრუეა
გენერალურ პროკურატურაში აცხადებენ, რომ „ტვ პირველში“ შეჭრის შესახებ გავრცელებული ინფორმაცია სიცრუეა.
როგორც „ექსპრესნიუსს“ უწყებაში განუმარტეს, მსგავსი სახის ინფორმაცია საზოგადოების მიზანმიმართულად შეცდომაში შეყვანას ემსახურება.
„გავრცელებული ინფორმაცია რომ თითქოს პროკურატურა გეგმავს ტელვიზიაში შეჭრას, არის სიცრუე, ხაზგასმით აღვნიშნავთ, რომ არავინ არ აპირებს ტელევიზიაში შეჭრას და შევარდნას, ამის დადასტურებას წარმოადგენს ჩვენს მიერ ამოღების განჩინების ტელევიზიისთვის მიწოდებაზე მათთან წინასწარი სატელეფონო კომუნიკაცია და განჩინების მათთვის ფოსტით გაგზავნის ფაქტიც. მსგავსი სახის ინფორმაცია ცალსახად არასწორია და ემსახურება საზოგადოების მიზანმიმართულად შეცდომაში შეყვანას“, - აცხადებენ უწყებაში.
ავტორი: ექსპრესნიუსი,
epn.ge (@expressnews.ge)
